పద్మావతి వివాదంపై దీపిక సీిరియస్

Posted: 11/14/2017 06:26 PM IST

ప‌ద్మావ‌తి చిత్ర వివాదంపై ఎట్టకేలకు న‌టి దీపికా ప‌దుకునే స్పందించారు. ఎవ‌రు ఎంత ప్ర‌య‌త్నించినా 'ప‌ద్మావ‌తి' చిత్ర విడుద‌ల‌ను ఆప‌లేర‌ని దీపికా పేర్కొన్నారు. ఓ జాతీయ మీడియా ఛానెల్ లో మాట్లాడిన ఆమె... 'ఈ చిత్రంలో న‌టించినందుకు ఒక మ‌హిళ‌గా నేను చాలా గ‌ర్వ‌ప‌డుతున్నాను. ప‌ద్మావ‌తి క‌థ‌ను ప్ర‌తి ఒక్క‌రూ తెలుసుకోవాలి' అని చెప్పారు.

భారత దేశం ఎటుపోతుంది. స్వేచ్ఛ హక్కు కూడా లేదా? పద్మావతి లాంటి వీరవనితకు చెందిన గొప్ప చిత్రాన్ని ఇలా వివాదాల పాలు చేయ‌డం నిజంగా ఘోర‌మైన విష‌య‌మ‌ని ఆమె తెలిపింది. 'సినిమా విడుద‌ల గురించి నిర్ణ‌యం తీసుకునే అధికారం కేవ‌లం సెన్సార్ బోర్డుకు మాత్ర‌మే ఉంది. అందుకే ఇలాంటి ఎన్ని వివాదాలు వ‌చ్చినా చిత్ర విడుద‌ల‌ను ఎవ‌రూ ఆప‌లేర‌ని నేను గ‌ట్టిగా న‌మ్ముతున్నాను' అని దీపికా చెప్పింది.

ఈ న‌వంబ‌ర్‌తో దీపికా ప‌దుకునే బాలీవుడ్‌లో అడుగుపెట్టి ప‌దేళ్లు పూర్త‌యింది. త‌న మొద‌టి హిందీ సినిమా 'ఓం శాంతి ఓం', సంజ‌య్ లీలా భ‌న్సాలీ తీసిన 'సావ‌రియా' చిత్రాలు ఒకే రోజున (న‌వంబ‌ర్ 9) విడుద‌లయ్యాయి. అప్ప‌ట్లో తాను భ‌న్సాలీ హీరోయిన్ ని అవుతాన‌ని అస్స‌లు ఊహించ‌లేద‌ని దీపికా వెల్ల‌డించింది. అలాంటి దీపిక ఇప్పటికి సంజ‌య్‌లీలా భ‌న్సాలీ ద‌ర్శ‌క‌త్వంలో ఏకంగా మూడు సినిమాల్లో న‌టించేసింది.