నాగ్-వర్మ చిత్రంలో అమితాబ్ కీ రోల్?

Posted: 11/14/2017 07:53 AM IST

టాలీవుడ్ సీనియర్ హీరో నాగార్జునతో రామ్ గోపాల్ వర్మ ఒక యాక్షన్ థ్రిల్లర్ ను ప్లాన్ చేసిన సంగతి తెలిసిందే. ఈ నెల 20వ తేదీన ఈ సినిమాను సెట్స్ పైకి తీసుకెళుతున్నారు. ఏప్రిల్ 20న రిలీజ్ చేయాలనేది ఆలోచన. ఈ సినిమాలో నాగార్జున పవర్ ఫుల్ పోలీస్ ఆఫీసర్ గా కనిపించనున్నాడు. ఇక ఈ సినిమాకు ఇప్పుడు అదనంగా మరో ట్విస్ట్ ఇవ్వాలని వర్మ భావిస్తున్నాడంట.

అమితాబ్ తో ఓ కీలక రోల్ చేయించాలనే ఫ్లాన్ లో ఉన్నట్లు తాజా సమాచారం. ఈ సినిమాలో కథను మలుపు తిప్పే ఓ గెస్టు రోల్ వుందట. నిడివి పరంగా చిన్నదే అయినా, కథలో ఈ పాత్ర కీలకంగా నిలుస్తుందని చెబుతున్నారు. దాంతో ఈ పాత్ర కోసం అమితాబ్ ను వర్మ సంప్రదిస్తున్నాడని అంటున్నారు. గతంలో అమితాబ్ - నాగ్ హిందీ 'ఖుదాగవా'లో కలిసి నటించిన సంగతి తెలిసిందే. ఈ సినిమాలో కథానాయికగా 'టబూ' నటిస్తుందంటూ కొన్ని రోజుల క్రితం వార్తలు వచ్చాయి. అందులో నిజం లేదని వర్మ తేల్చేశాడు కూడా.

మరి అమితాబ్ గెస్టుగా చేస్తాడనే ప్రచారంలో వాస్తవమెంతన్నది వర్మ చెబితేనే క్లారిటీ వస్తుంది.'శివ' సినిమాతో కొత్త ట్రెండ్ సృష్టించిన వర్మ, ఈ సినిమా అంతకిమించి ఉంటుందని చెబుతుండటం విశేషం. అయితే చిరు సైరా, ఇప్పుడు నాగ్ చిత్రాలకు(ఒప్పుకుని ఉంటే) గ్రీన్ సిగ్నల్ ఇచ్చిన బిగ్ బీ బాలయ్య సినిమాకు మాత్రం వెనకడుగు వేయటం గమనార్హం.