హైపర్ ఆదిపై కత్తి మహేష్ ఫైర్

Posted: 11/13/2017 10:54 AM IST

జబర్దస్త్ వేదికగా హైపర్ ఆది వేసిన ఓ స్కిట్ కత్తి మహేశ్‌కు కోపం తెప్పించింది. పెళ్లనేది సినిమాలు తీయటమంత కష్టం. అదే ప్రేమంటే ముందు పొట్ట, వెనుక బట్ట వేసుకుని రివ్యూలు రాసినంత ఈజీ అంటూ గత ఎపిసోడ్ లో ఆది పేల్చిన పంచ్‌పై కత్తి మహేశ్ మండి పడ్డాడు. ఫేస్‌బుక్ లైవ్ ద్వారా ఆదిపై, జబర్దస్త్ షో‌పై కత్తి మహేశ్ విమర్శలు గుప్పించాడు.

సెటైర్లను కామెడీగా తీసుకుంటాను, ఎవరైనా తన మీద జోక్ వేస్తున్నారంటే ఎంతో కొంత సాధించినట్టేనని భావిస్తున్నా, దీని గురించి ఫీల్ కావడం లేదన్ని తెలిపాడు. చక్కటి సెన్స్ ఉన్న హైపర్ ఆదిని అభినందిస్తూనే.. బాడీ షేమ్ కామెంట్లు చేసిన అతడి తీరును తప్పుబట్టాడు. జబర్దస్త్ షో నేను చూడను, కానీ ఫ్రెండ్స్‌ను పంపే లింక్స్ చూస్తే నాకు ఈ విషయాలు తెలిశాయని చెప్పాడు. మనందరి దిగజారుడు తనానికి నిదర్శనం అని షో సాగుతున్న తీరునే విమర్శించాడు. ఒక్కొక్కరు ఒక్కోలా ఉంటారు, ఇలా పొట్ట బట్ట ఉంటే వేరైపోతామా అని మండిపడ్డాడు. ఆడవాళ్లను కించపరిచేలా ఉన్న ఆ షో అంటేనే తనకు నచ్చదని .. దయచేసి ఆ షోను చూడొద్దంటూ ప్రజలకు విజ్నప్తి చేశాడు.

ఎదుటి వ్యక్తిని కించపరిచేలా జోక్‌లు వేయడం ఏంటని కత్తి మహేశ్ ప్రశ్నించాడు. గతంలోనూ హైపర్ ఆది చేసిన స్కిట్‌లు కత్తి మహేశ్‌పై పంచ్‌లు వేసేలా ఉన్నాయి. బిగ్ బాస్‌ షోలో పాల్గొన్న తర్వాత మహేశ్ పవన్ కల్యాణ్ విమర్శలు చేయడంతో.. పవన్ ఫ్యాన్స్ అతడిని తీవ్రంగా విమర్శించారు. తనను బెదిరిస్తూ.. భారీగా ఫోన్ కాల్స్ వస్తున్నాయని గతంలో కత్తి మహేశ్ వాపోయాడు. ఫేస్‌బుక్ లైవ్ సందర్భంగా కత్తి మహేశ్ బదులిస్తూ.. పవన్ కల్యాణ్ ఫ్యాన్స్ సైలెంట్‌గా ఉండటమే అతడికి మంచిదని సలహా ఇచ్చాడు. నేను ఇలా ఉండేందుకే ఇష్టపడతా. నా పొట్ట, నా బట్ట నాకు నిజంగా గర్వకారణం అని చెప్పాడు. పవన్‌ గురించి ఇష్టం వచ్చినట్లు మాట్లాడటం అంటే.. అతడి వ్యక్తిగత విషయాలు, అపియరన్స్ గురించి మాట్లాడానా? కాస్త బుద్ది తెచ్చుకొని మాట్లాడండి అంటూ ఘాటుగా విమర్శించాడు.

చివరగా.. నీ షోను నువ్వు ఎంజాయ్ చేయ్. కానీ బాడీ షేమింగ్ గురించి తగ్గిస్తే మంచిది, నా బాడీ గురించి నేను హ్యాపీగా ఉన్నానని హైపర్ ఆదికి సలహా ఇచ్చాడు. సమకాలీక అంశాలపై తన స్కిట్ జోకులు వేసే ఆది గతంలో కూడా ఒకటి.. రెండు సార్లు కత్తి మహేష్ పై సెటైర్లు వేసిన విషయం తెలిసిందే.