రాంచరణ్ ప్లేస్ లో రామ్

Posted: 10/30/2017 04:09 PM IST

మెగా పవర్ స్టార్ రాంచరణ్ ప్రస్తుతం రంగస్థలం షూటింగ్ లో బిజీగా ఉన్నాడు. ఇదయ్యాక బోయపాటి, కొరటాల శివ ప్రాజెక్టులను లైనప్ లో ఉంచాడు. అయితే ఆ మధ్య ఓ డైరెక్టర్ కు ఓకే చెప్పినట్లే చెప్పి వెనక్కి తగ్గటం చూశాం. దీంతో ఇప్పుడు ఆ ప్రాజెక్టు మరో హీరో చేతికి వెళ్లిపోయింది.

సినిమా చూపిస్త మావా, నేను లోకల్ చిత్రాల దర్శకుడు త్రినాథ రావు నక్కిన-దిల్ రాజు కాంబోలో ఈ చిత్రానికి రామ్ ను హీరోగా కన్ఫర్మ్ చేసేశారు. ఈ మధ్యే ఉన్నది ఒకటే జిందగీతో సక్సెస్ కొట్టిన రామ్ తర్వాతి చిత్రం ఇదేనని చెబుతున్నారు. ఈ మధ్య యువ హీరోలతో వరుసగా చిత్రాలు కమిట్ అవుతున్న దిల్ రాజు ఇప్పుడు రామ్ తో ఓ యాక్షన్ ఎంటర్ టైనర్ చిత్రాన్నే తెరకెక్కించబోతున్నాడని సమాచారం.

గతంలో రాజుతో రామ్ రామ రామ కృష్ణ కృష్ణ చిత్రం తీసిన విషయం తెలిసిందే. అయితే అది అంతగా ఆడలేదు. ఈ మధ్య ఇలా అగ్ర హీరోలు మిస్ చేసుకుంటున్న ప్రాజెక్టులు.. యువ హీరోల చేతికి వెళ్తుండటం.. అవి పెద్ద హిట్లు అవుతుండటం పరిపాటిగా మారిపోతుంది. మరిప్పుడు రామ్ కు కూడా ఆ సెంటిమెంట్ వర్కవుట్ అవుతుందా? చూడాలి.