పద్మావతి థియేటర్లు తగలబెట్టేస్తాం!

Posted: 10/16/2017 11:21 AM IST

బాలీవుడ్ లో మోస్ట్ అవెయిటింగ్ మూవీగా పద్మావతి ఇప్పటికే భారీ అంచనాలు పెంచేసుకుంది. కేవలం డైలాగ్ బిట్ లతో రిలీజ్ చేసిన ఈ చిత్ర ట్రైలర్ ఓ దృశ్య కావ్యంలా ఉందంటూ సినీ లోకం ప్రశంసలు కురిపించింది. దెబ్బలు యూట్యూబ్ లో రికార్డులు బద్ధలు అయ్యాయి.

అయితే సినిమా కథ విషయంలో మాత్రం ఉన్న అనుమానాలు ఇంకా తీరలేదు. చిత్రంలో రాణి పద్మావతి.. అల్లావుద్దీన్ ఖిల్జీల మధ్య రొమాంటిక్ తరహా సన్నివేశాలు తెరకెక్కించాడని దర్శకుడు సంజయ్ లీలా బన్సాలీ పై ఆరోపణలు ఉన్నాయి. అందుకే గతంలో షూటింగ్ సమయంలో రాజ్ పుత్ సంఘాలు బన్సాలీతోసహా చిత్ర యూనిట్ పై దాడి చేశాయి కూడా. ఈ నేపథ్యంలో డిసెంబర్ 1 చిత్రం విడుదల కాబోతుండగా... మరో వార్నింగ్ వచ్చి పడింది.

ఈ చిత్రాన్ని థియేటర్లలో రిలీజ్ చేసే ముందు తమకు ప్రదర్శించాలని జై రాజ్‌పుట్‌ సంఘ్‌ డిమాండ్ చేస్తోంది. ఈ మేరకు జై రాజపుట్‌ సంఘ్‌ వ్యవస్థాపకుడు భన్వర్‌ సింగ్‌ రెటా ఓ ప్రముఖ బాలీవుడ్ మీడియాకు ఇచ్చిన ఇంటర్వ్యూలో ఈ విషయాన్ని తెలియజేసినట్లు తెలుస్తోంది. అలా చేయకుండా సినిమాను ప్రదర్శిస్తే మాత్రం థియేటర్లను తగలబెడతామని హెచ్చరించినట్లు ఈ కథనం ప్రచురించింది. సినిమాలో అలాంటిదేం లేదని.. చరిత్రను వక్రీకరించే యత్నమేదీ తాను చేయలేదని ఇదివరకే దర్శకుడు సంజయ్ లీలా బన్సాలీ పలుమార్లు చెప్పుకొచ్చాడు.