లక్ష్మీస్ ఎన్టీఆర్ వివాదం.. వర్మకు హీరోయిన్ వార్నింగ్

Posted: 10/13/2017 05:19 PM IST

సినిమా ఇంకా ప్రారంభం కాకముందే వర్మకు వార్నింగ్ లు వచ్చి పడుతున్నాయి. లక్ష్మీస్ ఎన్టీఆర్ పై తెలుగు రాష్ట్రాల్లో ఇప్పుడు తీవ్ర దుమారం రేగుతోంది. సోమిరెడ్డి చంద్రమోహన్ రెడ్డి లాంటి సీనియర్ నేతతో మొదలైన ఈ పర్వం ఇప్పుడు తారాస్థాయికి చేరుకుంది. ఏదైనా తేడాగా చూపిస్తే ఖబడ్దార్ అంటూ హెచ్చరిస్తున్నారు. ఈ లిస్ట్ లో ఇప్పుడు సీనియర్ నటి వాణి విశ్వనాథ్ కూడా వచ్చి చేరారు.

ప్రజలు దేవుడిగా చూసే ఎన్టీఆర్ గౌరవానికి భంగం కలిగించేలా సినిమాను తీస్తే, చూస్తూ ఊరుకోబోమని... వర్మ ఇంటి ముందు ధర్నా చేస్తామని హెచ్చరించారు. ఎన్టీఆర్ లో రాముడిని, కృష్ణుడిని ప్రజలు చూసుకున్నారని అన్నారు. సినిమాను తెరకెక్కించే ప్రయత్నాన్ని వెంటనే ఆపేయాలని అన్నారు. ఒకవైపు ఎన్టీఆర్ బయోపిక్ ను బాలకృష్ణ తీయబోతున్న తరుణంలోనే... ఇలాంటి సినిమాను తీయడానికి వర్మ ప్రయత్నిస్తుండటం సరైంది కాదని తెలిపారు.

టైటిల్ తోనే వర్మ వ్యాపారం చేస్తూ వివాదం రాజేస్తున్నాడని ఆమె ఆగ్రహం వ్యక్తం చేశారు. కేవలం దురుద్దేశంతోనే వర్మ ఈ సినిమాను తెరకెక్కించనున్నారని మండిపడ్డారు. సినిమాను గొప్పగా తీస్తే ఎవరికీ ఎలాంటి ఇబ్బంది లేదని అన్నారు. ఈ సినిమా తీయడం మానేయాలనే తాను వర్మను కోరుతున్నానని చెప్పారు. ఇక ప్రముఖ సినీ విశ్లేషకుడు తరుణ్ ఆదర్శ్ సినిమాలో లీడ్ రోల్ బాలయ్యేనని ఓ క్లారిటీ ఇచ్చేశాడు. తేజ దర్శకుడిగా.. సాయి కొర్రపాటి నిర్మాతగా వ్యవహరించబోతున్నాడని తెలియజేశాడు. 

Biopic on legendary actor and politician NTR being made in Telugu and Hindi. Actor Balakrishna [son of NTR] will play NTR in the biopic... pic.twitter.com/q8b6QYTD34

— taran adarsh (@taran_adarsh) October 13, 2017

Vishnu Induri [CCL Founder], Sai Korapati [producer of #Eega, original of #Makkhi] and Balakrishna to produce NTR biopic. Teja will direct.

— taran adarsh (@taran_adarsh) October 13, 2017