మహానుభావుడు ప్రీ రిలీజ్ వేడుకకు సిద్ధం

Posted: 09/21/2017 06:45 PM IST

శర్వానంద్ హీరోగా మారుతి దర్శకత్వంలో 'మహానుభావుడు' సినిమా తెరకెక్కింది. అతిశుభ్రత అనే వ్యాధి పడే హీరో క్యారెక్టర్ తో ఎంటర్ టైన్ చేయబోతున్నాడు. శర్వానంద్ నటించిన ఈ సినిమాలో, కథానాయికగా మెహ్రీన్ మెరవనుంది. ఈ సినిమా పోస్టర్స్ కు .. టీజర్ .. ట్రైలర్ .. ఆడియోకు మంచి రెస్పాన్స్ రావడంతో, టీమ్ అంతా కూడా ఎంతో హ్యాపీగా వున్నారు.

ఈ సినిమా ప్రీ రిలీజ్ ఫంక్షన్ ను ఈ నెల 24న హైదరాబాద్ లో నిర్వహించాలని నిర్ణయించుకున్నారు. వేదిక ఎక్కడనేది ప్రకటించనున్నారు. ఈ నెల 29వ తేదీన ఈ సినిమాను విడుదల చేయనున్నారు.

భారీ సినిమాలతో ఎప్పుడు తలపడినా సక్సెస్ ను అందుకునే శర్వానంద్, ఈ సారి కూడా అదే సెంటిమెంట్ ను రిపీట్ చేస్తాడేమో చూడాలి. 'జై లవ కుశ' .. 'స్పైడర్' వంటి భారీ సినిమాలతో పోటీ పడుతుండటంతో, బలమైన కంటెంట్ వుండే ఉండొచ్చనే అభిప్రాయాలు వ్యక్తమవుతున్నాయి.