మల్టీస్టారర్ కోసం బాలయ్య రెడీ

Posted: 07/01/2017 11:21 AM IST

మల్టీ స్టారర్ ట్రెండ్ కు మళ్లీ టాలీవుడ్ లో కొత్త ఊపు వచ్చింది. భలే మంచి రోజుతో హిట్ కొట్టిన యంగ్ దర్శకుడు శ్రీరామ్ ఆదిత్య శమంతకమణితో మళ్లీ హైలెట్ అవుతున్నాడు. నారా రోహిత్, సందీప్ కిషన్, ఆది మరియు సుధీర్ బాబు, సీనియర్ నటుడు రాజేంద్ర ప్రసాద్ మెయిన్ రోల్స్ తో ఈ సస్పెన్స్ డ్రామా తెరకెక్కింది.

రీసెంట్ గా రిలీజైన ట్రైలర్ కూడా అంచనాలను భారీగానే పెంచేసింది. ఐదు కోట్ల విలువైన శమంతకమణి అనే కారును ఓ పోలీసాఫీసర్ తో సహా ఐదుగురు వ్యక్తులు టార్గెట్ చేయటం, వారిలో ఎవరు దొంగిలించారో తెలీక సస్పెన్స్ డ్రామాతో మూవీని తెరకెక్కించినట్లు అర్థమౌతోంది. ఇక ఈ సినిమా ప్రమోషన్ కోసం భారీగానే ఫ్లాన్ చేయబోతుంది నిర్మాణ సంస్థ భవ్య క్రియేషన్స్.

నందమూరి బాలకృష్ణతో ఈ సినిమాను ప్రమోట్ చేయించేందుకు రెడీ అయిపోతున్నారు. పైసా వసూల్ ఫారిన్ షెడ్యూల్ ముగించుకుని తిరిగొచ్చిన బాలయ్య ను కలిసిన నారా రోహిత్ ఈ విషయంపై చర్చించగా, ఓకే చెప్పినట్లు తెలుస్తోంది. దీంతో బాలయ్య శమంతకమణి ప్రీ రిలీజ్ ఈవెంట్ కు హాజరవుతున్నాడన్న మాట. జూలైలోనే శమంతకమణి రిలీజ్ అయ్యే ఛాన్స్ ఉంది.