రజనీ కాలా మూవీ టైటిల్ లోగో రిలీజ్

Posted: 05/25/2017 01:09 PM IST

తలైవా రజనీకాంత్ ఓవైపు రోబో 2(2.0) షూటింగ్ ముగింపు దశకు వచ్చేసింది. దీంతో తన నెక్ట్స్ చిత్రంపై కూడా దృష్టిసారించబోతున్నాడు. ముంబై మాఫియా నేపథ్యంలో తెరకెక్కబోతున్న ఈ చిత్రానికి కబాలి ఫేం పా రంజిత్ దర్శకత్వం వహించబోతున్నాడు. బాలీవుడ్ బ్యూటీ హ్యుమా ఖురేషీ హీరోయిన గా నటిస్తుండగా, మరో నాయిక రోల్ వేటలో చిత్ర యూనిట్ ఉంది.

ఇక రజనీకాంత్ అల్లుడు ధనుష్ ఈ 161వ సినిమాకు నిర్మాతగా వ్యవహరిస్తున్నాడు. దీంతో ఈ చిత్ర టైటిల్ ను ఆయన అల్లుడు, హీరో ధనుష్ కొద్ది సేపటి క్రితం ఆవిష్కరించాడు. 'కాలా అలియాస్ కరికాలన్' అన్న పేరును పెట్టినట్టు ధనుష్ వెల్లడించాడు. సూపర్ స్టార్ ఫ్యాన్స్ మెచ్చేలా చిత్రం ఉంటుందని చెబుతున్నాడు.

కాగా, ఈ చిత్రంతో రజనీ రాజకీయ రంగ ప్రవేశం ముడిపడి వుంటుందన్న ఊహాగానాలు వినిపిస్తున్నాయి. సమకాలీన రాజకీయ అంశాల ప్రస్తావనతో చిత్ర కథ రూపొందించినట్లు సమాచారం. ప్రముఖ దర్శకుడు సముద్రఖని నెగటివ్ రోల్ పోషించబోతున్నాడని టాక్.