బాలీవుడ్ టాప్ ప్రోడ్యూసర్ పై రేప్ కేసు

Posted: 01/18/2017 04:44 PM IST

బాలీవుడ్ టాప్ నిర్మాత కరీం మొరానీపై అత్యాచారం కేసు నమోదయ్యింది. తనపై లైంగిక దాడికి పాల్పడ్డాడంటూ ఓ బీబీఐ విద్యార్థిని కరీంపై ఫిర్యాదు చేసింది. మత్తు మందు ఇచ్చి తనపై అత్యాచారం చేశాడని, ఆపై న్యూడ్ ఫోటోలతో తనను బ్లాక్ మెయిల్ చేస్తూ లొంగదీసుకున్నాడని ఆమె ఆరోపించింది.

దిల్ వాలే షూటింగ్ సమయంలో 2015 జూలై నుంచి తనపై మొరానీ ఈ అఘాయిత్యానికి పాల్పడుతున్నాడని చెబుతోంది. ఆరు నెలలపాటు ఈ దారుణం కొనసాగించాడని, కుటుంబం పరువు పోతుందని తాను ఇంతకాలం సైలెంట్ గా ఉన్నానని ఆమె చెబుతోంది. అంతేకాదు అండర్ వరల్డ్ మాఫియాతో కరీం కు సత్ససంబంధాలు ఉన్నాయని కూడా చెబుతోంది. మొత్తం 4 సెక్షన్ల కింద అతనిపై పోలీసులు కేసులు నమోదు చేశారు.

కాగా, కరీం బాలీవుడ్ బాద్ షా షారూఖ్ ఖాన్ కి అత్యంత సన్నిహితుడు. రావన్, చెన్నై ఎక్స్ ప్రెస్, దిల్ వాలే చిత్రాలకు సహ నిర్మాతగా వ్యవహరించాడు కూడా. అంతేకాదు 2జి స్పెక్ట్రమ్ స్కామ్ కేసులో అరెస్టయి జైలుకు వెళ్లాడు. డీఎంకె పార్లమెంటు సభ్యురాలు కనిమొళికి 20 శాతం వాటా ఉన్న కలైంగర్ టీవీ చానెల్‌కు 200 కోట్ల రూపాయలను డిబి రియాల్టీ నుంచి బదలాయించడంలో కరీం మొరానీ సహకరించాడని సీడీఐ ఆరోపణలు గుప్పించింది. అందుకు గాను అతను ఆరు కోట్ల ముడుపులు కరీంకు అందినట్లు నివేదికలో తెలిపింది.