పవన్ ఓ అగ్ని పర్వతం లాంటోడు-వర్మ

Posted: 12/23/2016 08:51 AM IST

అర్థరాత్రి వర్మ చేసే ట్వీట్లు చాలా స్పైసీ స్పైసీగా ఉంటుంటాయి. అదే సమయంలో మెగా ఫ్యామిలీని పొగిడినట్లే పొగుడుతూ చురకలు అంటించటం వర్మకు ఓ వ్యాపకంగా మారిపోయింది. పవన్ ఫ్యాన్స్ తో పెట్టుకోవటం దగ్గరి నుంచి చిరు 150 సినిమాపై దాకా అంతా అడ్డగోలు ట్వీట్లు చేసి తిట్లు తింటున్నాడు. అయితే పంథా మారని వర్మ మరోసారి పవన్ ను టార్గెట్ చేసి ట్వీట్ పెట్టాడు.

‘‘పవన్ నిద్ర పోతున్న ఓ అగ్నిపర్వతంలాంటోడు. అప్పుడప్పుడు గుడగుడలాడుతూ పొగ వదులుతుంటాడు. టైం వచ్చినప్పుడే పేలతాడు అంటూ ఓ ట్వీట్ వేశాడు. అంతేకాదు వంగవీటి సందర్భంగా ఓ ఛానెల్ ఇంటర్వ్యూలో మాట్లాడుతూ... ప్రస్తుత రాజకీయ పరిణామాలను పవన్ నిశితంగా గమనిస్తున్నారని... వచ్చే ఎన్నికల్లో దుమ్మురేపుతారని, పవన్ కు ఆ దమ్ము ఉందని తెలిపాడు.

మరి ఈ లెక్కన వర్మ పవన్ ని పొగిడినట్లే కదా! అయితే అవకాశం వచ్చినప్పుడల్లా పవన్ కల్యాణ్ పై ట్విట్టర్లో ఇండైరెక్ట్ గా సెటైర్లేసే వర్మ ఈసారి రూటు మార్చటం మాత్రం కాస్త అనుమానంగానే ఉంది.

 

Pawan Kalyan nidrapothunna Agni parvatham laantodu..appudappudoo guda guda laaduthoo pogalodhluthoo vuntadu ..Time vachchinappude pelathadu

— Ram Gopal Varma (@RGVzoomin) December 22, 2016