శాతకర్ణి ప్రమోషన్ కోసం ఫస్ట్ టైం

Posted: 12/01/2016 01:16 PM IST

ప్రతిష్టాత్మక చిత్రం గౌతమీపుత్ర శాతకర్ణి అంకం చివరి దశకు చేరుకుంది. సుమారు మూడు నెలలపాటు నాన్ స్టాప్ గా జరిగిన ఈ చిత్ర షూటింగ్ నేటితో పూర్తి కానుంది. రామోజీ ఫిల్మ్ సిటీలో ఆఖరి రోజు షూట్ పూర్తయ్యాక గుమ్మడికాయ కొట్టేందుకు క్రిష్ అండ్ టీం సిద్ధమైపోయింది. బాలయ్య కెరీర్ లో మైలు రాయి లాంటి ఈ వందో చిత్రాన్ని గ్రాండ్ గా తెరకెక్కించటమే కాదు. అందుకు తగ్గట్లుగానే ప్రమోట్ చేసేందుకు నిర్మాతలు ఫ్లాన్ లు చేసుకుంటున్నారు.

అందుకే అందివచ్చిన ఏ అవకాశాన్ని వదలకూడదని డిసైడ్ అయిన క్రిష్ బాలయ్య ను ఒప్పించి త్వరలో ట్విట్టర్ లోకి తీసుకురాబోతున్నాడు. అంతేకాదు ఫస్ట్ టైం టాలీవుడ్ లో ఓ విభిన్న ప్రయత్నం చేయబోతున్నాడు. బాలయ్యతోపాటు, రాజమాత హేమా మాలిని, హీరోయిన్ శ్రీయా శరణ్ లతో ఓ స్పెషల్ ఫోటో షూట్ చేయించబోతున్నాడు. సినిమాలోని పాత్రలతోనే ఇది ఉండబోతుందని తెలుస్తోంది. ఈ ఫోటోషూట్ ను ప్రమోషన్ లో భాగంగానే రిలీజ్ చేయబోతున్నాడు.

మూడు ఫారిన్ షెడ్యూల్స్, ఒక నార్త్ ఇండియన్, రామోజీ ఫిల్మ్ సిటీలో లాంగ్ పార్ట్ తోనే మొత్తం 80 రోజుల్లోనే క్రిష్ ఈ సినిమాను పూర్తి చేయటం,  పైగా నాలుగు వార్ సీన్ లతో రెండున్నర గంటల్లో సినిమాను పూర్తి చేయటం విశేషం. అందుకేనేమో బాలయ్య మెచ్చి తన కొడుకు డెబ్యూని క్రిష్ చేతిలో పెడుతున్నాడన్న వార్తలు వినిపిస్ోతున్నాయి.