ధ్రువలో ఖైదీ ఛాన్సుంది

Posted: 11/28/2016 01:00 PM IST

డిసెంబర్ 9న ప్రపంచవ్యాప్తంగా థియేటర్లలో మెగా పవర్ స్టార్ దండయాత్ర షురూ కానుంది. మూడు రోజుల రిలీజైన ట్రైలర్ మూడు మిలియన్ వ్యూవ్స్ తో ఆ అంచనాలను ఆకాశానికి చేరవేసింది. ప్రమోషన్ చేపట్టకుండానే ఈ రేంజ్ హైప్ సినిమాకు రావటం ఇదే తొలిసారని టాలీవుడ్ వర్గాలు చెప్పుకుంటున్నాయి.

ఇక ఇదే సందులో మరో మెగా పండగ కూడా ఉండొచ్చన్న సంకేతాలు కనిపిస్తున్నాయి. డిసెంబర్ 18న మెగా స్టార్ ఖైదీ నంబర్ 150 ఆడియో వేడుక నిర్వహించబోతున్న సంగతి తెలిసిందే. అంటే ఆ లెక్కన ముందుగానే టీజర్ ను రిలీజ్ చేయాల్సి ఉంటుంది. అందుకు ధ్రువ సినిమాను వేదికగా చేసుకోబోతున్నట్లు సమాచారం.

ధ్రువ సినిమాలోనే ఖైదీ టీజర్ రిలీజ్ చేసే అంశంపై మెగా కాంపౌండ్ నుంచి అల్రెడీ సంకేతాలు అందుతున్నాయి. ఎలాగూ ఆడియో పంక్షన్ లో ట్రైలర్ రిలీజ్ చేయాలి కాబట్టి ముందుగా టీజర్ ను విడుదల చేసేందుకు అభ్యంతరాలు ఏం లేవు. ఇంతకన్నా మంచి టైమింగ్ కూడా మరోకటి ఉండదని అభిమానులు కూడా ఫీలవుతున్నారు. మరి తాను చెప్పే వరకు తొందరపడొద్దన్న చెర్రీ ఈ విషయంలో ఎలాంటి డెసిషన్ తీసుకుంటాడో చూద్దాం.