బడ్జెట్ కారణంగానే మహేష్ సినిమా ఆగిపోయిందట

Posted: 09/08/2016 01:25 PM IST

Mani ratnam mahesh movie shelved for this reason

టాలీవుడ్ సూపర్ స్టార్ గా ఎదిగిన మహేష్ బాబుకు ఇండియా లో ఉన్న క్రేజ్ మాములుది కాదు. నటశేఖరుడి వారసుడిగా ఎదిగిన ప్రిన్స్ తో పనిచేయాలని నార్త్, సౌత్ అన్న తేడాలేకుండా డైరక్టర్లు, హీరోయిన్లు అవకావం కోసం ఎదురుచూస్తున్నారు. అలాంటిది తన ఫెవరెట్ దర్శకుల్లో ఒకడయిన మణిరత్నం తో పని చేసే అవకాశం వచ్చినా మహేష్ ఎందుకు వదులుకోవాల్సి వచ్చింది అన్న దానిపై ఇప్పుడు ఓ ఆసక్తికరమైన సమాధానం వెలుగులోకి వచ్చింది.

కొన్నేళ్ల కిందట పొన్నియన్ సెల్వన్ అనే పేరుతో ఓ భారీ హిస్టారికల్ చిత్రాన్ని తెరకెక్కించేందుకు మణిరత్నం ముందుకు వచ్చాడు. మహేష్ బాబు, అనుష్క శెట్టి, విజయ్, విశాల్ ప్రధాన తారగణంగా దీనిని తెరకెక్కించేందుకు మణి సిద్ధమయ్యాడు. అయితే ప్రీ ప్రొడక్షన్ దశలోనే ఈ సినిమా ఆగిపోయింది. ఈ సినిమా ఆగిపోవటంపై రకరకాల రూమర్లు పుట్టుకొచ్చాయి. మహేష్ డేట్లు అడ్జస్ట్ కాలేదని, విశాల్ అప్పుడప్పుడే పేరు తెచ్చుకుంటుండగా, మిగిలిన ఇద్దరు టాప్ హీరోలు ఇందులో నటించేందుకు సుముఖత చూపడటం లేదని, కథ చాలా రిస్కీగా ఉండటంతో కాస్టింగ్ ఒప్పుకోలేదని ఇలా ఏవేవో చెప్పుకున్నారు. అయితే తాజాగా దీని వెనక ఉన్న అసలు కారణం ఏంటో చెప్పేశాడు ప్రముఖ రచయిత జయమోహన్.

చారిత్రక నేపథ్యం ఉన్న కథ కావటంతో సినిమాలో చాలా వరకు షూటింగ్ దేవాలయాల్లో చిత్రీకరించాల్సి ఉంది. అయితే తమిళనాడులో చాలా గుళ్లు ఉన్నప్పటికీ ఎవరూ షూటింగ్ కి సహకరించలేదు. దీంతో ప్రత్యేక సెట్లు వేయించి కానిచ్చేద్దామని మణి భావించాడు. సినిమాను మొత్తం 200 కోట్లతో తెరకెక్కిద్దామని అనుకున్నాం. కానీ, సెట్ల కోసమే బడ్జెట్ 50 కోట్లు అవుతుందని తేలింది. అందుకే ప్రాజెక్టును ఆపేయాల్సి వచ్చింది అని జయమోహన్ వివరించాడు.