పద్మావతి ఎవరి కోసం ఒప్పుకుంది?

Posted: 07/11/2016 04:33 PM IST

ఏడాదిపాటుగా హాలీవుడ్ లో బిజీ అయిపోయిన సొట్టబుగ్గల సుందరి దీపికా బాలీవుడ్ వైపు కన్నెత్తి చూడటం లేదు. ఈ సంవత్సరం ఒక్కటంటే ఒక్కటి కూడా ఆమె నటించిన హిందీ చిత్రం లేదు. పైగా కొత్త వాటికి సైన్ కూడా చేయలేదు. దీంతో ఆమె దూరం అయిపోతుందని బాలీవుడ్ అంతా బెంగపెట్టుకుంది. కానీ, ఆమె ఓ చిత్రానికి ఓకే చెప్పిందన్న వార్త ఫ్యాన్స్ లో ఆనందం నింపుతోంది.

ప్రముఖ దర్శకుడు సంజయ్ లీలా బన్సాలీ దర్శకత్వంలో పద్మావతి అనే మరో భారీ బడ్జెట్ ప్రాజెక్టు త్వరలో పట్టాలెక్కబోతుంది. ఈ చిత్రం కోసం తొలుత దీపికను అనుకున్నప్పటికీ హాలీవుడ్ బిజీలో ఆమె డ్రాప్ అయిందని, ఆ స్థానంలో ప్రియాంక చోప్రాను తీసుకున్నారనే వార్తలు వచ్చాయి. అయితే ప్రస్తుతం ట్రిపుల్ ఎక్స్ సినిమా ముగింపు దశకు చేరుకోవటంతో పద్మావతిగా తిరిగి ఆమె నటించబోతుందని తెలుస్తోంది. ఈ విషయాన్ని సంగీత దర్శకుడు శ్రేయాస్ పురానీక్ తన ట్విట్టర్ అకౌంట్లో తెలిపాడు.

ప్రస్తుతం స్క్రిప్ట్ దశలో ఉన్న ఈ చిత్రం త్వరలో షూటింగ్ ప్రారంభం కాబోతుందని, ఇందుకోసం దీపిక అంగీకరించినట్లు ఆయన తెలిపాడు. అంతేకాదు ఈ చిత్రానికి తానే సంగీత దర్శకుడిని అని కూడ శ్రేయాస్ చెప్పుకోచ్చాడు. కాగా, ఇందులో దీపిక రొమాన్స్ చేయబోయేది ఎవరితోనో తెలుసా? ఇంకెవరకు ఆమె ప్రియుడు రణ్ వీర్ సింగ్. ఇప్పటికే సంజయ్ లీలా బన్సాలీ, వీరిద్దరి కాంబినేషన్లో వచ్చిన గోలియోంక రామ్ లీల, బాజీరావ్ మస్తానీలు బాక్సాఫీస్ ను షేక్ చేశాయి. ఇక ఇప్పుడు ఈ కాంబినేషన్ హ్యాట్రిక్ కొట్టేందుకు సిద్ధమైపోతుందన్న మాట.