కాన్వెంట్ లో లవ్ కి రెడీ...!

Posted: 06/27/2016 12:20 PM IST

టాలీవుడ్ కింగ్ నాగార్జున సమర్పణలో హీరో శ్రీకాంత్‌ తనయుడు రోషన్‌ను హీరోగా పరిచయం చేస్తూ మ్యాట్రిక్స్‌ టీమ్‌ వర్క్స్ కలిసి అన్నపూర్ణ స్టూడియోస్‌ నిర్మిస్తున్న యూత్‌ఫుల్‌ లవ్‌ ఎంటర్‌టైనర్‌ 'నిర్మల కాన్వెంట్‌'. ఈ చిత్రం ద్వారా జి.నాగకోటేశ్వరరావు దర్శకుడుగా పరిచయమవుతున్నారు.

జై చిరంజీవ, దూకుడు, రోబో వంటి చిత్రాల్లో బాలనటిగా నటించిన శ్రేయాశర్మ ఈ చిత్రంలో రోషన్‌ సరసన హీరోయిన్‌గా నటిస్తోంది. ఈ చిత్రానికి సంబంధించిన షూటింగ్‌ మొత్తం పూర్తయింది. ఈ చిత్రంలో నాగార్జున చేసిన స్పెషల్‌ క్యారెక్టర్‌ సినిమాకి పెద్ద హైలైట్‌ అవుతుందని చెప్తున్నారు చిత్ర యూనిట్ వర్గాలు. జైపూర్‌, అరకు, నైనిటాల్‌, చిక్‌మంగుళూరు వంటి డిఫరెంట్‌ లోకేషన్స్ లో ఈ చిత్రాన్ని చాలా రిచ్ గా చిత్రీకరించారు. త్వరలో ఈ సినిమా ట్రైలర్ రిలీజ్ కానున్న నేపథ్యంలో ఈ సినిమాకి బిజినెస్ ఊపందుకుంది.

శ్రీకాంత్ తనయుడి మార్కెట్ పై ఎన్నో ఆశలు పెట్టుకుని మరీ బిజినెస్ చేస్తున్నారు చిత్రయూనిట్. ఈ సినిమా ఒక మెసేజ్ ఓరియెంటెడ్ ఫిలిం గా అందరికీ గుర్తుండిపోతుందని చెప్తున్నారు దర్శకుడు కోటి. ఇక సినిమా ఆడియో లాంఛ్ ని కూడ త్వరలో చేయనున్నట్లుగా సమాచారం తెలుస్తోంది.