హాలీవుడ్ సినిమాకు జగ్గుభాయ్ గాత్రం

Posted: 05/28/2016 03:21 PM IST

మొన్నటి వరకు ఫ్యామిలీ చిత్రాల హీరోగా పేరు తెచ్చుకున్న జగపతిబాబు.. ఇటీవలే ‘లెజెండ్’ సినిమాతో విలన్ గా ఎంట్రీ ఇచ్చారు. ‘లెజెండ్’ సినిమాతో మరోసారి వరుస సినిమాలతో బిజీగా మారిపోయారు జగపతి బాబు. అలాంటి ఈ హీరో తాజాగా డబ్బింగ్ ఆర్టిస్ట్ గా మారుతున్నాడు.

హాలీవుడ్ దర్శకుడు స్టీఫెన్ స్పీల్ బర్గ్ దర్శకత్వంలో రూపొందుతున్న తాజా చిత్రం ‘ది బిఎఫ్జి’. అడ్వంచరస్ వండర్ గా రూపొందుతున్న ఈ సినిమా తెలుగు, తమిళ వెర్షన్ లకు జగపతిబాబు గాత్రదానం చేస్తున్నాడు. 24 అడుగుల ఎత్తుండే ఓ భారీ మనిషి పాత్రకు డబ్బింగ్ చేబుతున్నాడు.

24 అడుగుల ఎత్తుండే ఓ భారీ మనిషితో స్నేహంగా వుండే పదేళ్ల చిన్నారి కథే ఈ
‘ది బిఎఫ్జి’. ఈ సినిమాను రోనాల్డ్ డాల్హ్ నవల ఆధారంగా తెరకెక్కిస్తున్నారు. పోస్ట్ ప్రొడక్షన్ కార్యక్రమాలు జరుగుతున్నాయి. ఈ భారీ మనిషికి జగపతి డబ్బింగ్ చెబుతుండటంతో సౌత్ లో మంచి క్రేజ్ ఏర్పడుతోంది. ఈ చిత్రాన్ని జులై 1న ప్రపంచ వ్యాప్తంగా విడుదల చేయనున్నారు.