సమంత రహస్య ప్రేమికుడు?

Posted: 05/11/2016 12:06 PM IST

హీరోయిన్ సమంత గతకొద్ది కాలంగా పలు వివాదాలతో సతమతమవుతున్న విషయం తెలిసిందే. గతంలో మహేష్ బాబు, పవన్ కళ్యాణ్ వంటి స్టార్ హీరోల సినిమాలపై కామెంట్లు చేసి, అభిమానుల ఆగ్రహానికి గురయ్యింది. ఆ తర్వాత తమిళ నటుడు సిద్ధార్థతో ప్రేమాయణం కొనసాగించి, త్వరలోనే పెళ్లి చేసుకుంటారేమో అనుకునేసరికి అతనితో విభేదాలు వచ్చి విడిపోయారు.

ఆ తర్వాత మళ్లీ సినిమాల్లో కొనసాగిస్తూ ఓ బిజినెస్ మ్యాన్ తో రహస్య ప్రేమాయణం కొనసాగిస్తోందంటూ వార్తలొచ్చాయి. అయితే తాజాగా ఈ అమ్మడు మరో షాకింగ్ స్టేట్మెంట్ ఇచ్చి హాట్ టాపిక్ గా మారింది. సూర్య హీరోగా సమంత, నిత్యామీనన్ హీరోహీరోయిన్లుగా నటించిన ‘24’ చిత్రం ఇటీవలే విడుదలై సక్సెస్ టాక్ తో కొనసాగుతోంది.

ఈ సంధర్భంగా సమంత మీడియాకు ఇచ్చిన ఇంటర్వ్యూలలో ఓ షాకింగ్ న్యూస్ చెప్పుకొచ్చింది. ‘మీరింకా సింగిల్ స్టేటస్ నే ఎంజాయ్ చేస్తున్నారా?’ అనే ప్రశ్నకు సమాధానంగా... సమంత నవ్వుతూ కాదని బదులిచ్చింది. అంతేకాకుండా తాను సింగిల్ గా వున్నానంటూ ఎవరు చెప్పారంటూ ఎదురు ప్రశ్నించింది.

ఈ అమ్మడి సమాధానంతో సమంత ప్రస్తుతం ప్రేమలో మునిగితేలుతోందని.. అయితే ఆ కొత్త రహస్య ప్రేమికుడు ఎవరా అనే విషయంపై సినీ జనాల్లో చర్చలు జరుగుతున్నాయి. మరి సమంత ప్రేమ పెళ్లికి దారి తీస్తుందో లేక మళ్లీ ‘సింగిల్ గా వుండటమే బాగుంది’ అనే డైలాగులు చేబుతుందో చూడాలి.