శ్రీరస్తు కాకముందే ఆశీస్సులు కోరుతున్నాడు

Posted: 04/28/2016 08:05 AM IST

‘కొత్తజంట’ సినిమా తర్వాత చాలా కాలం గ్యాప్ తీసుకొని, ఓ మంచి కథాంశంతో మరోసారి ప్రేక్షకులను అలరించడానికి సిద్ధమయ్యాడు అల్లు శిరీష్. ప్రస్తుతం అల్లు శిరీష్ హీరోగా ‘శ్రీరస్తు శుభమస్తు’ అనే చిత్ర తెరకెక్కుతోంది. దర్శకుడు పరుశురామ్ దర్శకత్వంలో తెరకెక్కుతున్న ఈ చిత్రాన్ని గీతా ఆర్ట్స్ బ్యానర్ పై నిర్మాత అల్లు అరవింద్ నిర్మిస్తున్నారు. ఇటీవలే విడుదలైన ఫస్ట్ లుక్ పోస్టర్ కు మంచి రెస్పాన్స్ వచ్చింది. ఇందులో శిరీష్ సరసన లావణ్య త్రిపాఠీ హీరోయిన్ గా నటిస్తుంది.

ఇక ఈ సినిమా విడుదల కాకముందే మరో సినిమాను ప్రారంభిస్తున్నాడు శిరీష్. నూతన దర్శకుడు ఎంవిఎన్ రెడ్డి(వేణు) దర్శకత్వంలో శిరీష్ హీరోగా ఓ చిత్రం తెరకెక్కనుంది. ఈ చిత్రాన్ని శ్రీ శైలేంద్ర ప్రొడక్షన్స్ పతాకం పై శైలేంద్ర బాబు నిర్మిస్తున్నాడు. ఈ సినిమా నేడు ప్రారంభం కానుంది. రెగ్యులర్ షూటింగ్ జులై నుంచి జరుపుకోనుందని, ఈ సినిమాకు మీ అందరి ఆశీస్సులు కావాలని శిరీష్ తన సోషల్ మీడియా ట్విట్టర్ ద్వారా తెలియజేసాడు.