బాలయ్య 100వ చిత్రంగా ‘గౌతమీపుత్ర శాతకర్ణీ’ చిత్రం రూపొందనున్న విషయం తెలిసిందే. దర్శకుడు క్రిష్ దర్శకత్వంలో రూపొందుతున్న ఈ చిత్రంపై భారీ అంచనాలే నెలకొన్నాయి. ఈ సినిమా ప్రారంభ కార్యక్రమాలు ఇటీవలే టాలీవుడ్ సినీ ప్రముఖులు సమక్షంలో, తెలంగాణ రాష్ట్ర ముఖ్యమంత్రి శ్రీ కెసీఆర్ గారి సమక్షంలో ఈ చిత్ర ముహూర్త కార్యక్రమాలు ప్రారంభమైన విషయం తెలిసిందే.
ఈనాటి అఖండ భారతదేశానికి ఆనాడే అంకురార్పణ చేసిన రారాజు గౌతమీ పుత్ర శాతకర్ణి. అఖండ భారతావనిని పరిపాలించిన తొలి తెలుగు రాజైన గౌతమీ పుత్ర శాతకర్ణి జీవితాన్ని తెలుసుకుంటే రోమాంచితమవుతుంది. కృష్ణానదీ తీరాన అమరావతిని, గోదావరి తీరంలోని కరీంనగర్ జిల్లా కోటిలింగాల పల్లిని, మహారాష్ట్రలోని నాసిక్ సమీపంలోని ప్రతిష్ఠానపురంను రాజధానులుగా చేసుకుని పరిపాలన సాగించారు గౌతమీ పుత్ర శాతకర్ణి. అలాంటి గొప్ప వీరుడి జీవిత కథ ఆధారంగా రూపొందుతున్న చిత్రమే బాలయ్య ‘గౌతమీపుత్ర శాతకర్ణీ’.
ఇలాంటి చారిత్రాత్మక కథతో సినిమాలు తెరకెక్కించాలంటే మాటలు కాదు. అప్పటి కాలం నాటి కథ, వేషభాషలు, వస్త్రలంకారణ వంటి అన్ని అంశాల గురించి తెలిసి వుండాలి. అలాంటిది ‘గౌతమీపుత్ర శాతకర్ణీ’ కథాంశంతో సినిమా తీస్తున్నారంటే వారెవరో తెలుసుకోవాలని అందరూ ఎంతో ఆతృతగా ఎదురుచూస్తున్నారు. కానీ ఈ సినిమాకు సరైన సమాచారాన్ని ఓ సీనియర్ అధ్యాపకుడు తయారు చేసినట్లుగా తెలిసింది.
తాజా సమాచారం ప్రకారం తిరుపతి శ్రీ వేంకటేశ్వర ఆయుర్వేద కళాశాలలో సీనియర్ అధ్యాపకుడిగా పనిచేసిన ఆచార్య రంగనాయకులు ఈ ‘గౌతమీపుత్ర శాతకర్ణీ’ కథను సిద్ధం చేసారని తెలిసింది. చరిత్రపై ఎంతో అవగాహన వున్న ఆయన చరిత్రపై ఎన్నో పుస్తకాలను రాసారు. ఈ ‘గౌతమీపుత్ర శాతకర్ణీ’ పాత్ర చేయాలనుకొని, కొన్ని నెలల క్రితమే ఈ ఆచార్య రంగనాయకులు గారిని కలిసి.. శాతకర్ణీ గురించి ఖచ్చితమైన సమాచారాన్ని అందించాలని కోరడంతో.. ఆయన శాతకర్ణికి సంబంధించిన ఖచ్చితమైన సమాచారాన్ని సేకరించడం జరిగింది.
ఆచార్య గారు ఇచ్చిన సమాచారంతో దర్శకుడు క్రిష్ ‘గౌతమీపుత్ర శాతకర్ణీ’ స్ర్కిప్టును సిద్ధం చేసినట్లుగా తెలిసింది. ప్రస్తుతం ఈ సినిమాకు సంబంధించిన ప్రీ ప్రొడక్షన్ కార్యక్రమాలు చివరి దశకు చేరుకున్నాయి. మే మొదటివారం నుండి మొరాకో లో షూటింగ్ ప్రారంభించనున్నట్లు సమాచారం. త్వరలోనే అన్ని వివరాలను అధికారికంగా ప్రకటించనున్నారు.
ఈ చిత్రానికి రచనా సహకారం - భూపతిరాజా; మాటలు - సాయిమాధవ్ బుర్రా; పాటలు - సిరివెన్నెల సీతారామశాస్త్రి; ప్రొడక్షన్ డిజైనర్ - భూపేష్ ఆర్.భూపతి; స్టిల్స్ - జీవన్ రెడ్డి; డి.ఓ.పి - జ్ఞానశేఖర్ వి.ఎస్; ఫైట్స్ - రామ్,లక్ష్మణ్; డాన్స్ - బృంద; ఎడిటింగ్ - సూరజ్; సంగీతం - దేవిశ్రీప్రసాద్; ఎగ్జిక్యూటివ్ ప్రొడ్యూసర్ - కొమ్మినేని వెంకటేశ్వరరావు; నిర్మాతలు - వై రాజీవ్ రెడ్డి, జాగర్లమూడి సాయిబాబు; రచన - దర్శకత్వం - జాగర్లమూడి రాధాకృష్ణ (క్రిష్).
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more