మిలియన్ మార్క్ తో అదరగొడుతున్న ‘ఊపిరి’

Posted: 03/31/2016 09:41 AM IST

అక్కినేని నాగార్జున, కార్తీ, తమన్నా ప్రధాన పాత్రలలో నటించిన ‘ఊపిరి’ చిత్రం ఇటీవలే తెలుగు, తమిళం భాషలలో విడుదలై బ్లాక్ బస్టర్ టాక్ తో కొనసాగుతోంది. వంశీ పైడిపల్లి దర్శకత్వంలో రూపొందిన ఈ చిత్రాన్ని పివిపి సంస్థ భారీ బడ్జెట్ తో నిర్మించింది. పాజిటివ్ టాక్ తో కొనసాగుతున్న ‘ఊపిరి’ కలెక్షన్ల మోత మోగిస్తుంది.

కేవలం రెండు తెలుగు రాష్ట్రాల్లోనే కాకుండా అమెరికాలో కూడా కలెక్షన్ల పరంగా దుమ్మురేపుతోంది. తాజాగా ‘ఊపిరి’ యుఎస్ బాక్సాఫీస్ వద్ద 1 మిలియన్ మార్క్ దాటేసి అదరగొడుతోంది. ఈ వార్త అటు అక్కినేని అభిమానులతో పాటు, ఇటు యువ హీరోలకు సైతం మంచి ఉత్సాహం పెంచిందని చెప్పుకోవచ్చు.

ఇప్పటివరకు ‘ఊపిరి’ చిత్రం యుఎస్ లో 1,005,739డాలర్లు (సుమారు 6.67కోట్ల రూపాయలు) వసూలు చేసి నాగార్జున కెరీర్‌కు ‘మనం’ తర్వాత యూఎస్‍లో మరో 1 మిలియన్ తెచ్చిపెట్టింది. ‘మనం’, ‘సోగ్గాడే చిన్నినాయనా’ వంటి వరుస బ్లాక్ బస్టర్ హిట్స్ తర్వాత ‘ఊపిరి’తో హ్యట్రిక్ హిట్ ను సొంతం చేసుకొని, యుఎస్ లో నాగార్జున తన క్రేజ్ ను భారీగా పెంచేసాడు. ఈ చిత్రానికి గోపిసుందర్ అద్భుతమైన సంగీతాన్ని అందించాడు.