‘ఒకమనసు’ కోసం సొంత గొంతు

Posted: 03/22/2016 10:22 AM IST

నిహారిక హీరోయిన్ గా నటిస్తున్న తొలి చిత్రం ‘ఒక మనసు’. తాజాగా ‘కళ్యాణ వైభోగమే’ సినిమాతో మంచి సక్సెస్ ను అందుకున్న నాగశౌర్య ‘ఒక మనసు’లో నిహారిక సరసన హీరోగా నటిస్తున్నాడు. ఇటీవలే షూటింగ్ పూర్తిచేసుకుంది. ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి.

ఈ సినిమాలో నిహారిక తన పాత్రకు తానే డబ్బింగ్ చెప్పుకుంటుంది. ప్రస్తుతం డబ్బింగ్ కార్యక్రమాల్లో నిహారిక బిజీగా వుంది. ‘మల్లెలతీరం’ చిత్ర దర్శకుడు రామరాజు దర్శకత్వంలో రూపొందుతున్న ఈ చిత్రాన్ని మధుర శ్రీధర్ రెడ్డి మరియు టివి9 సంయుక్తంగా నిర్మిస్తున్నారు. లవ్, ఫీల్ ఎంటర్ టైనర్ గా రూపొందుతున్న ఈ చిత్రాన్ని మే నెలలో విడుదల చేయడానికి సన్నాహాలు చేస్తున్నారు.