అభిమానుల సందడితో ‘సర్దార్’ ఆడియో వేడుక షురూ

Posted: 03/20/2016 07:12 PM IST

‘గబ్బర్ సింగ్’, ‘అత్తారింటికి దారేది’, ‘గోపాల గోపాల’ తర్వాత పవర్ స్టార్ పవన్ కళ్యాణ్ హీరోగా నటిస్తున్న తాజా చిత్రం ‘సర్దార్ గబ్బర్ సింగ్’. ఈ చిత్ర ఆడియో విడుదల కార్యక్రమం హైదరాబాద్ లోని నోవాటెల్ లో ఘనంగా ప్రారంభమయ్యింది. ఈ వేడుక అంతా కూడా అభిమానులు కేకలతో మారుమ్రోగుతోంది. ‘పవర్’ ఫేం బాబీ దర్శకత్వంలో రూపొందుతున్న ఈ చిత్రాన్ని భారీ బడ్జెట్ తో నార్త్ స్టార్ ఎంటర్ టైన్మెంట్స్ ప్రై.లిమిటెడ్ బ్యానర్, పవన్ కళ్యాణ్ క్రియేటివ్ వర్క్స్ బ్యానర్లపై శరత్ మరార్, సునీల్ లుల్లాలు సంయుక్తంగా నిర్మిస్తున్నారు.

సౌత్ ఇండియన్ రాక్ స్టార్ దేవిశ్రీప్రసాద్ సంగీతం అందిస్తున్న పాటలు ఎలా వుండబోతున్నాయోనని అభిమానులు ఎంతగానో ఎదురుచూస్తున్నారు. పాటలు మరికొద్ది క్షణాల్లో విడుదల కానున్నాయి. ఈ వేడుకకు మెగాస్టార్ చిరంజీవి ముఖ్య అతిథిగా విచ్చేయనున్నారు. భారీ అంచనాలతో రూపొందుతున్న ఈ చిత్రాన్ని ప్రపంచ వ్యాప్తంగా తెలుగు, హిందీ భాషలలో ఏప్రిల్ 8న విడుదల చేయనున్నారు.