తమన్నాతో ప్రభుదేవా రొమాన్స్ ఫిక్స్

Posted: 02/01/2016 06:52 PM IST

తమిళంలో వరుస హిట్ చిత్రాలతో దర్శకుడిగా తన సత్తా ఏంటో చూపిస్తున్న దర్శకుడు ఏఎల్ విజయ్. మదరాసు పట్టణం, తాండవం, దైవ తిరుమగళ్, తలైవా పలు హిట్ చిత్రాలను అందించిన విజయ్ దర్శకత్వంలో తాజాగా ఓ చిత్రం తెరకెక్కనుంది. ఈ సినిమా కోసం దర్శకుడు ఓ క్రేజీ కాంబినేషన్ ను సెట్ చేసాడు.

డాన్స్ కొరియోగ్రాఫర్ నుంచి ప్రస్తుతం యాక్టర్, డైరెక్టర్ మారిన ప్రభుదేవా హీరోగా విజయ్ ఓ సినిమా చేయనున్నారు. ఇందులో ప్రభుదేవా సరసన మిల్కీ బ్యూటీ తమన్నా హీరోయిన్ గా నటించనుంది. అయితే ఇక్కడ అసలు ట్విస్ట్ ఏంటంటే... ఈ సినిమా కథ ప్రభుదేవాకు బాగా నచ్చడంతో తానే స్వయంగా నిర్మిస్తానని ముందుకొచ్చాడని తెలిసింది.

ప్రభుదేవా తన సొంత బ్యానర్ లో ఈ ప్రాజెక్టును నిర్మించనున్నాడు. ఇందులో సోనుసూద్ ఓ కీలక పాత్రలో నటించనున్నాడు. ఈ ప్రాజెక్టును తమిళం, తెలుగు, హిందీ భాషలలో ఏకకాలంలో తెరకెక్కించనున్నారని సమాచారం. త్వరలోనే ఈ ప్రాజెక్టుకు సంబంధించిన అన్ని వివరాలను అధికారికంగా ప్రకటించనున్నారు.