‘గరం’ పాటలు విడుదల

Posted: 12/24/2015 10:04 AM IST

ఆది, అదాశర్మ హీరోహీరోయిన్లుగా నటిస్తున్న తాజా చిత్రం ‘గరం’. వసంత శ్రీనివాస్ సమర్పణలో శ్రీనివాస సాయి స్క్రీన్స్ బ్యానర్ పై మదన్ దర్శకత్వంలో రూపొందుతున్న ఈ చిత్రాన్ని పి.సురేఖ నిర్మిస్తున్నారు. అగస్త్య సంగీతం అందించిన ఈ చిత్ర పాటలను తాజాగా ఆది పుట్టినరోజు సంధర్భంగా నిన్న సాయంత్రం విడుదల చేసారు.

ఈ ఆడియో వేడుకకు చిత్ర యూనిట్ తో పాటు గోపిచంద్, రానా, నిఖిల్, సందీప్ కిషన్, రకూల్ ప్రీత్ సింగ్, రాజ్ తరుణ్ తదితరులు పాల్గొన్నారు. బిగ్ సీడి, ఆడియో సీడీలను గోపిచంద్, రకూల్ ప్రీత్ సింగ్ ఆవిష్కరించారు. రకూల్ ప్రీత్ సింగ్ ఆడియో సీడిలను విడుదల చేసి, తొలి సీడిని గోపిచంద్ కు అందజేసారు.

లవ్, యాక్షన్, కామెడీ ఎంటర్ టైనర్ గా రూపొందుతున్న ఈ చిత్రాన్ని వచ్చే ఏడాది విడుదల చేయడానికి సన్నాహాలు చేస్తున్నారు. మరికొద్ది రోజుల్లోనే అధికారికంగా అన్ని వివరాలను ప్రకటించనున్నారు.