హ్యాపీ బర్త్ డే ‘చుట్టాలబ్బాయి’... నేడే గరం ఆడియో

Posted: 12/23/2015 01:55 PM IST

టాలీవుడ్ యంగ్ హీరో ఆది పుట్టినరోజు నేడు. ఈ సంధర్భంగా ఆదికి పుట్టినరోజు శుభాకాంక్షలు తెలియజేస్తూ... ఇక సినిమా విశేషాల్లోకి వెళితే... ఆది హీరోగా నటిస్తున్న ‘గరం’ సినిమా ఆడియోను ఈరోజు సాయంత్రం గ్రాండ్ గా విడుదల చేయనున్నారు. మదన్ దర్శకత్వంలో తెరకెక్కుతున్న ఈ చిత్రాన్ని సురేఖ.పి నిర్మిస్తున్నారు. ఇందులో ఆది సరసన ఆదాశర్మ హీరోయిన్ గా నటిస్తుంది. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.

అలాగే ఆది హీరోగా రూపొందుతున్న తాజా చిత్రం ‘చుట్టాలబ్బాయి’. శ్రీ ఐశ్వర్యలక్ష్మీ మూవీస్, SRT మూవీస్ హౌస్ బ్యానర్స్ పై వెంకట్ తలారి, రామ్ తాలూరి సంయుక్తంగా నిర్మిస్తున్న ఈ చిత్రానికి ప్రముఖ దర్శకుడు వీరభద్రం దర్శకత్వం వహిస్తున్నారు. తాజాగా ఈ చిత్ర ఫస్ట్ లుక్ పోస్టర్ ను విడుదల చేసారు.

ఇందులో ఆది చాలా కొత్తలుక్స్ తో కనిపిస్తున్నాడు. ఇప్పటికే ఈ చిత్ర షూటింగ్ 40శాతం పూర్తి చేసుకుంది. వచ్చే ఏడాది వేసవి సెలవుల్లో ‘చుట్టాలబ్బాయి’ని ప్రేక్షకుల ముందుకు తీసుకురావడానికి సన్నాహాలు చేస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.