ప్రభాస్ వస్తే హిట్టు గ్యారెంటి: ఎక్స్ ప్రెస్ రాజా

Posted: 12/21/2015 10:30 AM IST

శర్వానంద్ హీరోగా నటిస్తున్న ‘ఎక్స్ ప్రెస్ రాజా’ చిత్ర ఆడియో ఇటీవలే ప్రభాస్ చేతుల మీదుగా విడుదల చేసిన విషయం తెలిసిందే. అయితే ప్రభాస్ ఈ ఆడియో విడుదల చేయడంపై ఈ సినిమా గ్యారెంటీ హిట్టు అని చెబుతున్నాడు హీరో శర్వానంద్. ఈ సినిమా గురించి శర్వానంద్ మాట్లాడుతూ... గతంలో తాను ఇదే బ్యానర్లో నటించిన ‘రన్ రాజా రన్’ చిత్ర ఆడియో వేడుకకు కూడా ప్రభాస్ వచ్చి, ఆడియో విడుదల చేసాడు. ఆ సినిమా హిట్టయ్యింది. తాజాగా ‘ఎక్స్ ప్రెస్ రాజా’ చిత్ర ఆడియో విడుదలకు కూడా ప్రభాస్ వచ్చాడు. కాబట్టి ఈ సినిమా కూడా మంచి విజయం సాధిస్తుందని శర్వానంద్ చెబుతున్నాడు.

శర్వానంద్, సురభి జంటగా మేర్లపాక గాంధీ దర్శకత్వంలో యువి క్రియేషన్స్ బ్యానర్ పై నిర్మాతలు వంశీ, ప్రమోద్ లు నిర్మిస్తున్న ఈ చిత్రానికి ప్రవీణ్ లక్కరాజు సంగీతం అందించారు. ఈ చిత్ర పాటలు, ట్రైలర్లకు మంచి రెస్పాన్స్ వస్తోంది. లవ్, ఎంటర్ టైనర్ గా రూపొందుతున్న ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.