రేపే ‘నవ మన్మధుడు’గా రానున్న ధనుష్

Posted: 12/17/2015 10:36 AM IST

‘రఘువరన్’ సినిమాతో తెలుగు ప్రేక్షకులకు దగ్గరయిన తమిళ హీరో ధనుష్ నటిస్తున్న తాజా చిత్రం ‘థంగ మగన్’. ఈ చిత్రాన్ని తెలుగులో ‘నవమన్మధుడు’ పేరుతో విడుదల చేయనున్నారు. ఇందులో ధనుష్ సరసన సమంత, అమీ జాక్సన్ లు హీరోయిన్లుగా నటిస్తున్నారు. డి.ప్రతాప్ రాజు స‌మ‌ర్పణ‌లో బృందావ‌న్ పిక్చర్స్ బ్యాన‌ర్‌పై ఎన్‌.వెంక‌టేష్, ఎన్‌.ర‌వికాంత్ నిర్మిస్తున్న ఈ చిత్రానికి వేల్ రాజ్ దర్శకత్వం వహిస్తున్నారు.

ఇటీవలే. సెన్సార్ కార్యక్రమాలను పూర్తి చేసుకుంది. ఇటీవలే తెలుగు ఆడియోను కూడా విడుదల చేసారు. అనిరుధ్ సంగీతం అందించిన ఈ పాటలకు మంచి రెస్పాన్స్ వస్తోంది. అలాగే ట్రైలర్ అద్భుతంగా వుంది. ఫ్యామిలీ లవ్, ఎంటర్ టైనర్ గా రూపొందుతోంది. ఈ చిత్రాన్ని డిసెంబ‌ర్ 18న గ్రాండ్ లెవ‌ల్‌లో ప్రపంచ వ్యాప్తంగా తెలుగు, తమిళంలో భాషలలో విడుదల చేయనున్నారు. మరి ఈ సినిమా ఎలాంటి విజయం సాధించనుందో చూడాలి.

ధ‌నుష్, స‌మంత‌, ఎమీజాక్సన్‌, రాధికా శ‌ర‌త్‌కుమార్‌, కె.ఎస్‌.ర‌వికుమార్ త‌దిత‌రులు న‌టించిన ఈ చిత్రానికి సంగీతం: అనిరుధ్ ర‌విచంద్రన్, కెమెరాః ఎ.కుమర‌న్‌, ఎడిటింగ్: ఎం.వి.రాజేష్‌కుమార్‌, స‌హ నిర్మాత‌లుః ఎం.డి.ఎం.ఆంజ‌నేయ‌రెడ్డి, కె.య‌స్‌.రెడ్డి, ద‌ర్శ‌క‌త్వం: వేల్‌రాజ్‌.