రికార్డులు క్రియేట్ చేస్తున్న ‘భాజీరావ్ మస్తానీ’ ట్రైలర్

Posted: 11/21/2015 09:53 AM IST

బాలీవుడ్ సినీ ప్రేక్షకులు ఎంతగానో ఎదురుచూస్తున్న సినిమా ‘భాజీరావ్ మస్తానీ’. ఈ సినిమా ఫస్ట్ లుక్ రిలీజ్ అయిన క్షణం నుంచి అంచనాలు భారీగా పెరిగిపోయాయి. సంచలన దర్శకుడు సంజయ్ లీలా భన్సాలీ దర్శకత్వంలో రూపొందుతున్న ఈ చిత్రంలో రణవీర్ సింగ్, దీపికా పదుకునే, ప్రియాంక చోప్రాలు ప్రధాన పాత్రలలో నటిస్తున్నారు.

కిశోర్ లుల్లా, సంజయ్ లీలా భన్సాలీ సంయుక్తంగా నిర్మిస్తున్నారు. తాజాగా ఈ చిత్ర థియేటర్ ట్రైలర్ ను విడుదల చేసారు. ఇప్పటికే పాజిటివ్ టాక్ ను సొంతం చేసుకున్న ఈ సినిమాకు... ఈ ట్రైలర్ మరింత బలాన్ని చేకూర్చింది. సినిమా రికార్డులు బద్దలు కొట్టడం ఖాయమని అనిపించే విధంగా ట్రైలర్ నిరూపిస్తోంది. ఈ సినిమా ప్రస్తుతం బాలీవుడ్ లో హాట్ టాపిక్ గా మారింది.

ఈ చిత్ర ట్రైలర్ విడుదలై 24 గంటలు గడవకముందే భారీ హిట్స్ ను దక్కించుకుంది. ఇప్పటికే ఈ వీడియోను యూట్యూబ్ లో 114,332 మంది వీక్షించారు. అలాగే ఇటీవలే విడుదలై వీడియో సాంగ్స్ కు కూడా మంచి రెస్పాన్స్ వస్తోంది. భారీ అంచనాలతో రూపొందుతున్న ఈ ‘భాజీరావ్ మస్తానీ’ చిత్రాన్ని డిసెంబర్ 18న ప్రపంచ వ్యాప్తంగా విడుదల చేయనున్నారు.