సల్మాన్ ప్రేమ్ కు బ్రూస్ లీ డబ్బింగ్

Posted: 10/21/2015 11:08 AM IST

Ram charan dubbing for salman khan prem ratan dhan payo

బాలీవుడ్ స్టార్ హీరో సల్మాన్ ఖాన్ నటిస్తున్న తాజా చిత్రం ‘ప్రేమ్‌ రతన్‌ ధన్‌ పాయో’. సూరజ్‌ బర్‌జాత్యా దర్శకత్వంలో రూపొందుతున్న ఈ చిత్రంపై భారీ అంచనాలే నెలకొన్నాయి. గతంలో సల్మాన్ ఖాన్, సూరజ్ కాంబినేషన్లో ‘మైనే ప్యార్ కియా’, ‘హమ్ సాత్ సాత్ హై’. ‘హమ్ ఆప్ హై కౌన్’ వంటి హిట్ చిత్రాలొచ్చాయి.

ఈ చిత్రంలో సల్మాన్ కు జోడిగా సోనమ్ కపూర్ హీరోయిన్ గా నటిస్తుంది. ఇటీవలే ఈ చిత్ర ట్రైలర్లు, పాటలను విడుదల చేసారు. వీటికి భారీ రెస్పాన్స్ వస్తోంది. బ్యూటీఫుల్ ఫ్యామిలీ, లవ్ రొమాంటిక్, యాక్షన్ ఎంటర్ టైనర్ గా రూపొందుతున్న ఈ చిత్రాన్ని తెలుగులోకి డబ్బింగ్ చేస్తున్నారు.

తెలుగులో సల్మాన్ పాత్రకు మెగాపవర్ స్టార్ రాంచరణ్ తేజ డబ్బింగ్ చెబుతున్నారు. ప్రస్తుతం చరణ్ ఈ సినిమా డబ్బింగ్ కార్యక్రమాల్లో పాల్గొంటున్నాడు. చాలా కాలం తర్వాత మళ్లీ సల్మాన్ ఖాన్ సినిమా తెలుగులో డబ్బింగ్ అవుతుండటం విశేషం.

భారీ అంచనాలతో రూపొందుతున్న ఈ చిత్రాన్ని దీపావళి కానుకగా నవంబర్ 12న ప్రపంచ వ్యాప్తంగా హిందీ, తెలుగు భాషలలో విడుదల చేయనున్నారు. మరి తెలుగులో సల్మాన్ పాత్రకు చరణ్ వాయిస్ ఎలా వుండబోతుందో చూడాలి.