అదరగొడుతున్న సల్మాన్ ‘ప్రేమ్ లీల...’ సాంగ్ అదుర్స్

Posted: 10/07/2015 03:54 PM IST

Salman khan prem leela video song from prem ratan dhan payo

‘భజ్రంగీ భైజాన్’ తర్వాత సల్మాన్ ఖాన్ నటిస్తున్న తాజా చిత్రం ‘ప్రేమ్‌ రతన్‌ ధన్‌ పాయో’. సోనమ్ కపూర్ హీరోయిన్. సూరజ్‌ బర్‌జాత్యా దర్శకత్వంలో రూపొందుతున్న ఈ చిత్రంపై భారీ అంచనాలే నెలకొన్నాయి. గతంలో సల్మాన్ ఖాన్, సూరజ్ కాంబినేషన్లో ‘మైనే ప్యార్ కియా’, ‘హమ్ సాత్ సాత్ హై’. ‘హమ్ ఆప్ హై కౌన్’ వంటి హిట్ చిత్రాలొచ్చాయి.

దాదాపు 16 ఏళ్ల తర్వాత మళ్లీ వీరిద్దరి కాంబినేషన్లో రూపొందుతున్న ఈ సినిమాపై భారీ అంచనాలే నెలకొన్నాయి. ఇటీవలే విడుదలైన ఈ చిత్ర ట్రైలర్ కు భారీ రెస్పాన్స్ వస్తోంది. అయితే తాజాగా ఈ సినిమాలోని ‘ప్రేమ్ లీల...’ అనే వీడియో సాంగ్ ను విడుదల చేసారు. ఇందులో సల్మాన్ చాలా అందంగా కనిపిస్తున్నాడు. ఈ పాట కూడా ఫ్యామిలీ ఎంటర్ టైనర్ గా వుంది.

బ్యూటీఫుల్ ఫ్యామిలీ, లవ్ రొమాంటిక్, యాక్షన్ ఎంటర్ టైనర్ గా రూపొందుతున్న ఈ చిత్రాన్ని దీపావళి కానుకగా ప్రపంచ వ్యాప్తంగా విడుదల చేయనున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.