హిందీ రుద్రమదేవి ట్రైలర్ సిరిగిపోయింది!

Posted: 10/02/2015 11:12 AM IST

Rudramadevi movie hindi official theatrical trailer

శ్రీమతి రాగిణీ గుణ సమర్పణలో గుణా టీం వర్క్స్ బ్యానర్ పై ప్రముఖ దర్శకుడు గుణశేఖర్ స్వీయ దర్శకనిర్మాణంలో రూపొందుతున్న ప్రతిష్టాత్మక చిత్రం ‘రుద్రమదేవి’. అందాల భామ అనుష్క, స్టైలిష్ స్టార్ అల్లు అర్జున్, రానా ప్రధాన పాత్రలలో నటించిన ఈ చిత్రం గతకొద్ది కాలంగా విడుదలకు నోచుకోకుండా వాయిదా పడుతూనే వస్తుంది.

అయితే ఈ చిత్రాన్ని అక్టోబర్ 9వ తేదిన ప్రపంచ వ్యాప్తంగా భారీ ఎత్తున విడుదల చేయడానికి సన్నాహాలు చేస్తున్నారు. తెలుగు, తమిళం, మలయాళం, హిందీ భాషలలో ‘రుద్రమదేవి’ చిత్రాన్ని విడుదల చేయనున్నారు. తాజాగా ఈ చిత్ర హిందీ వర్షెన్ కు సంబంధించిన థియేటర్ ట్రైలర్ ను విడుదల చేసారు.

Video Courtesy : Reliance Entertainment

ఈ ట్రైలర్ చాలా బాగుంది. తెలుగులో కూడా ఇదే థియేటర్ ట్రైలర్ ను విడుదల చేసి వుంటే.. ఈ సినిమాపై అంచనాలు మరింత పెరిగిపోయేవి. కానీ తెలుగు ట్రైలర్ కంటే తాజాగా విడుదలైన హిందీ ట్రైలర్ చాలా బాగుందని కామెంట్లు వినిపిస్తున్నాయి. హిందీలోని అభిషేక్ పిక్చర్స్ – రిలయన్స్ ఎంటర్టైన్మెంట్స్ వారు వరల్డ్ వైడ్ హిందీ వెర్షన్ రైట్స్ ని సుమారు 22 కోట్లకి సొంతం చేసుకోవడం విశేషం.

నిత్యామీనన్, ప్రకాష్ రాజ్, కృష్ణంరాజు తదితరులు ముఖ్య పాత్రలలో నటించారు. ఇళయరాజా సంగీతం అందించిన ఆడియో ఇప్పటికే విడుదలై మంచి టాక్ ను సొంతం చేసుకుంది. ఈ చిత్రాన్ని 3D ఫార్మెట్ లో కూడా విడుదల చేయబోతున్నారు. అందువల్ల డిజిటల్ గ్రాఫిక్స్ విషయంలో మరింత ఎక్కువ జాగ్రత్తలు తీసుకుంటున్నారు. త్వరలోనే ఈ చిత్ర కొత్త విడుదల తేదిని అధికారికంగా ప్రకటించనున్నారు.