విడుదలైన అఖిల్ ఆడియో... ట్రైలర్ అదిరిపోయింది!

Posted: 09/21/2015 12:09 PM IST

అఖిల్ అక్కినేని హీరోగా ప్రముఖ కమర్షియల్ దర్శకుడు వి.వి.వినాయక్ దర్శకత్వంలో తెరకెక్కుతున్న తాజా చిత్రం 'అఖిల్'. శ్రేష్ట్ మూవీస్ బ్యానర్ పై నికితారెడ్డి సమర్పణలో హీరో నితిన్ నిర్మిస్తున్నారు. అనూప్, థమన్ సంయుక్తంగా ఈ చిత్రానికి సంగీతం అందించారు.

ఈ చిత్ర ఆడియో విడుదల కార్యక్రమం నిన్న హైదరాబాద్ లోని గచ్చిబౌలి స్టేడియంలో ఘనంగా జరిగింది. ఈ కార్యక్రమానికి ప్రిన్స్ మహేష్ బాబు ముఖ్య అతిధిగా విచ్చేసారు. ఈ చిత్ర థియేటర్ ట్రైలర్ ను మహేష్, నాగార్జున కలిసి ఆవిష్కరించారు. ఆడియో సిడి లను నాగార్జున విడుదల చేసారు.

ట్రైలర్ చాలా కొత్తగా వుంది. ట్రైలర్ విడుదలయ్యాక ఈ సినిమాపై వున్న అంచనాలు మరింతగా పెరిగాయి. ఈ సినిమాలో అఖిల్ కు జోడిగా సయేశా సైగల్ హీరోయిన్ గా నటిస్తుంది. భారీ అంచనాలతో రూపొందుతున్న ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు. మరి ఈ సినిమా ఎలాంటి విజయం సాధించనుందో చూడాలి.