డాన్ గెటప్ లో సూపర్ స్టార్ ‘కబలి’

Posted: 09/17/2015 12:50 PM IST

‘లింగ’ వంటి భారీ అట్టర్ ఫ్లాప్ తర్వాత తమిళ సూపర్ స్టార్ రజినీకాంత్ హీరోగా నటిస్తున్న తాజా చిత్రం ‘కబలి’. ప్రముఖ దర్శకుడు రంజిత్ దర్శకత్వంలో తెరకెక్కుతున్న ఈ చిత్రాన్ని కళైపులి ఎస్. థాను భారీ బడ్జెట్ తో ప్రతిష్టాత్మకంగా నిర్మిస్తున్నారు.

ఈ చిత్రంలో రజినీకాంత్ కు సంబంధించిన ఫస్ట్ లుక్ పోస్టర్ ను తాజాగా వినాయక చవితి సంధర్భంగా విడుదల చేసారు. అంతేకాకుండా ఈరోజు నుంచి ఈ చిత్ర షూటింగ్ ప్రారంభం కానుంది. ఇందులో రజనీ ఓ గ్యాంగ్ స్టర్ డాన్ పాత్రలో నటించనున్నాడు. బాలీవుడ్ హాట్ భామ రాధిక ఆప్టే హీరోయిన్ గా నటించనుంది. రజనీకాంత్ కూతురిగా ధన్సికను ఎంపిక చేసారు.

కబలీశ్వర్ అనే ఓ డాన్ జీవిత చరిత్ర ఆధారంగా ఈ చిత్రం తెరకెక్కుతున్నట్లుగా తెలిసింది. తెలుగు, తమిళం భాషలలో ఏకకాలంలో ఈ చిత్రాన్ని నిర్మిస్తున్నారు. భారీ అంచనాలతో రూపొందుతున్న ఈ చిత్రాన్ని వచ్చే ఏడాది విడుదల చేయనున్నారు. త్వరలోనే అన్ని వివరాలు అధికారికంగా ప్రకటించనున్నారు.