ఈ భామలను ఏకిపారేస్తున్న సోషల్ మీడియా జనాలు

Posted: 09/09/2015 03:52 PM IST

Sonakshi and sonam kapoor hot tweets on meat ban

బాలీవుడ్ హాట్ హీరోయిన్లు సోనాక్షి సిన్హా మరియు సోనమ్ కపూర్ లపై సోషల్ మీడియాలలో భారీగా విమర్శలు వచ్చిపడుతున్నాయి. ప్రస్తుతం ఈ ముద్దుగుమ్మలిద్దరూ కూడా సోషల్ మీడియాలో హాట్ టాపిక్ గా నిలుస్తున్నారు.

అసలు విషయం ఏమిటంటే... ముంబైలో జైన మతస్థులకు సంబంధించిన పవిత్రమైన రోజుల కారణంగా పోలీసులు 8 రోజుల పాటు మాంసం అమ్మకాలను నిషేధించారు. ఈ నిషేధంపై కొంత మంది హర్షం వ్యక్తం చేస్తుండగా, మరికొంతమంది వ్యతిరేకిస్తున్నారు.

అయితే ఇందులో భాగంగానే ఈ విషయంపై బాలీవుడ్ స్లిమ్ బ్యూటీ సోనమ్ కపూర్ తనదైన శైలిలో సోషల్ మీడియా ట్విట్టర్ ద్వారా ఈ నిషేధాన్ని ఖండించింది. ఇలాంటి చర్చల వల్ల మనం మూడవ ప్రపంచానికి సంబంధించిన దేశస్తులుగా మిగిలిపోతామంటూ ఘాటు వ్యాఖ్యలు చేసింది.

ఈ అమ్మడి మాటలపై సోషల్ మీడియాలో తీవ్ర స్థాయిలో విమర్శలు వెల్లివెత్తుతున్నాయి. అంతేకాకుండా ఇదే విషయంపై బాలీవుడ్ హాట్ స్టార్ హీరోయిన్ సోనాక్షి సిన్హా కూడా ఈ నిషేధంపై స్పందిస్తూ... మనది స్వతంత్ర దేశం.. బ్యానిస్తాన్ కు స్వాగతం అంటూ కామెంట్లు చేసింది.

దీంతో ఈ అమ్మడిపై కూడా తీవ్రంగా ఘాటు కామెంట్లు వచ్చిపడుతున్నాయి. మరి ఈ ధుమారం ఇంకెంత దూరం వెళ్లనుందో చూడాలి.