పవన్ కళ్యాణ్ కు సుబ్రమణ్యం చిన్న కానుక

Posted: 09/02/2015 01:15 PM IST

Subramanyam for sale movie wishing to pawan kalyan

సాయిధరమ్ తేజ హీరోగా నటిస్తున్న తాజా చిత్రం ‘సుబ్రమణ్యం ఫర్ సేల్’. ప్రముఖ దర్శకుడు హరీష్ శంకర్ దర్శకత్వంలో తెరకెక్కుతున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు నిర్మిస్తున్న ఈ చిత్రానికి మిక్కీ జె మేయర్ సంగీతం అందిస్తున్నారు.

ఇప్పటికే విడుదలైన ఈ చిత్ర పాటలు, ట్రైలర్లకు భారీ రెస్పాన్స్ వస్తుంది. అయితే నేడు పవర్ స్టార్ పవన్ కళ్యాణ్ పుట్టినరోజు సంధర్భంగా శుభాకాంక్షలు తెలియజేస్తూ ఓ చిన్న టీజర్ ను విడుదల చేసారు. అలాగే ఓ పోస్టర్ ను విడుదల చేసారు. ఈ పోస్టర్ చూస్తుంటే గతంలో పవన్ నటించిన ‘జల్సా’ సినిమా పోస్టర్ వలే కనిపిస్తోంది.

ఇందులో సాయిధరమ్ సరసన రెజీనా హీరోయిన్ గా నటిస్తుంది. కమర్షియల్ లవ్, రొమాంటిక్ యాక్షన్ ఎంటర్ టైనర్ గా రూపొందుతున్న ఈ చిత్రంపై ఇప్పటికే భారీ అంచనాలు నెలకొన్నాయి. ఈ చిత్రాన్ని సెప్టెంబర్ 24న ప్రపంచ వ్యాప్తంగా భారీ ఎత్తున విడుదల చేయనున్నారు.