వారెవ్వా... పులి ట్రైలర్ సిరిగిపోయిందిపో!

Posted: 08/20/2015 10:21 AM IST

ఇళయథలపతి విజయ్ నటిస్తున్న తాజా చిత్రం ‘పులి’. సోషియో ఫాంటసీ తరహాలో రూపొందుతున్న ఈ భారీ బడ్జెట్ చిత్రాన్ని ఎస్.కె.టి స్టూడియోస్ పతాకంపై పి.టి.సెల్వకుమార్ భారీ బడ్జెట్ తో నిర్మిస్తున్నారు. ప్రముఖ దర్శకుడు శింబుదేవన్ ఈ చిత్రాన్ని ప్రతిష్టాత్మకంగా తెరకెక్కిస్తున్నారు.

యువ రాకింగ్ మ్యూజిక్ డైరెక్టర్ దేవిశ్రీప్రసాద్ సంగీతం అందించిన ఈ చిత్ర ఆడియోను ఇటీవలే విడుదలై మంచి హిట్ టాక్ ను సొంతం చేసుకుంది. అలాగే ఇప్పటికే విడుదలైన ఫస్ట్ లుక్ పోస్టర్లు, టీజర్ లకు మంచి స్పందన వచ్చింది. అయితే తాజాగా మరో ట్రైలర్ ను విడుదల చేసారు. ఈ ట్రైలర్ అద్భుతంగా వుంది.

శృతిహాసన్, హన్సిక హీరోయిన్లుగా నటిస్తున్న ఈ చిత్రంలో శ్రీదేవి కపూర్, సుదీప్ లు ప్రధాన పాత్రలలో నటిస్తున్నారు. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. భారీ అంచనాలతో సోషియో ఫాంటసీ తరహాలో భారీ విజువల్ ఎఫెక్ట్స్ ప్రధానంగా రూపొందుతుంది.

ఈ చిత్రాన్ని తమిళంతో పాటు తెలుగు, హిందీ భాషలలో కూడా వినాయక చవితి సంధర్భంగా సెప్టెంబర్ 17న గ్రాండ్ గా తెలుగు, తమిళ, హిందీ భాషలలో విడుదల చేయనున్నారు. త్వరలోనే మరిన్ని వివరాలు తెలియనున్నాయి.