నేను సేఫ్ అంటున్న జెనీలియా

Posted: 08/18/2015 05:16 PM IST

హా హా హాసిని భారీ ప్రమాదం నుంచి తప్పించుకుంది. ‘బొమ్మరిల్లు’ సినిమాలో హాసినిగా నటించి తెలుగు ప్రేక్షకులకు బాగా దగ్గరయ్యిన జెనీలియా... ఆ తర్వాత తెలుగులో పలు చిత్రాల్లో నటించి, నటిగా మంచి పేరు తెచ్చుకుంది.

అయితే తాజాగా బ్యాంకాక్ లోని ఓ ఆలయం వద్ద బాంబు పేలుడు జరిగింది. అయితే ఈ ప్రమాదం సంభవించిన సమయంలో జెనీలియో ఆ ప్రాంతానికి దగ్గర్లోనే వుంది. కానీ అదృష్టవశాత్తు జెనీలియాకు ఏమి కాలేదు. ఈ విషయాన్ని స్వయంగా జెనీలియా తన ట్విట్టర్ ద్వారా తెలియజేసింది.

ఈ ఘటన జరిగిన ప్రాంతానికి దగ్గరలోని ఓ మాల్ లోనే తాము ఉన్నామని, అదృష్టవశాత్తూ క్షేమంగా తప్పించుకున్నామని జెనీలియా తన ట్విట్టర్ ద్వారా తెలియజేసింది. ఆ పేలుడులో ప్రాణ నష్టం, ఆస్తి నష్టం జరగడం దురదుష్టకరమని జెనీలియా తెలిపింది.