అనుష్క సైజ్ జీరో టైటిల్ లోగో విడుదల

Posted: 08/11/2015 09:40 AM IST

‘రుద్రమదేవి’, ‘బాహుబలి - ది బిగినింగ్’ చిత్రాల తర్వాత అందాల భామ అనుష్క నటిస్తున్న తాజా చిత్రం ‘సైజ్ జీరో’. అనుష్క ప్రధాన పాత్రలలో తెరకెక్కుతున్న ఈ చిత్రానికి ప్రముఖ దర్శకుడు ప్రకాశ్ కోవెలమూడి దర్శకత్వం వహిస్తున్నాడు. ఈ భారీ బడ్జెట్ చిత్రాన్ని ప్రముఖ నిర్మాణ సంస్థ పివిపి బ్యానర్ పై నిర్మాత ప్రసాద్.వి.పోట్లూరి ప్రతిష్టాత్మకంగా నిర్మిస్తున్నారు.

ఇప్పటికే ఈ షూటింగ్ చివరి దశకు చేరుకుంది. ఈ నెల చివర్లో షూటింగ్ పూర్తిచేసుకోనుంది. ఇందులో అనుష్క ద్విపాత్రాభినయం చేయనుంది. భారీ అంచనాలతో రూపొందుతున్న ఈ చిత్ర టైటిల్ లోగోను విడుదల చేసారు. ‘సైజ్ జీర్’ అనే ఈ చిత్రానికి ‘సన్నజాజి నడుము’ అనే క్యాప్షన్ ను పెట్టారు.

ఇందులో తమిళ నటుడు ఆర్య ఓ ప్రధాన పాత్రలో నటిస్తున్నాడు. ఈ చిత్రానికి యం.యం.కీరవాణి సంగీతం అందిస్తున్నాడు. మరికొద్ది రోజుల్లోనే ఈ చిత్ర ఫస్ట్ లుక్ పోస్టర్ మరియు టీజర్ ను విడుదల చేయనున్నారు. ఈ చిత్రాన్ని త్వరలోనే ప్రేక్షకుల ముందుకు తీసుకురావడానికి చిత్ర యూనిట్ సన్నాహాలు చేస్తున్నారు.