ఆగష్టు 22న విశాల్ జయసూర్య ఆడియో విడుదల

Posted: 08/10/2015 09:47 AM IST

Vishal jayasurya audio release date confirmed

తమిళంలో విశాల్, కాజల్ జంటగా నటిస్తున్న తాజా చిత్రం ‘పాయుం పులి’. తెలుగులో ఈ చిత్రాన్ని ‘జయసూర్య’ పేరుతో విడుదల చేయనున్నారు. ‘జయసూర్య’ను తెలుగులోకి జవ్వాజి రామాంజనేయులు సమర్పణలో సాయిచంద్ర ఫిలింస్, సర్వంత్ రామ్ క్రియేషన్స్ బ్యానర్స్ పై జి.నాగేశ్వర రెడ్డి, ఎస్. నరసింహ ప్రసాద్ అందిస్తున్నారు.

ఇటీవలే ఈ చిత్ర తెలుగు లోగో విడుదల కార్యక్రమం జరిగింది. ఈ కార్యక్రమంలో చిత్ర నిర్మాతలతో పాటు కోన వెంకట్, దశరథ్ తదితరులు పాల్గొన్నారు. దశరథ్, కోన వెంకట్ లు ఈ లోగోను ఆవిష్కరించారు. ప్రముఖ దర్శకుడు సుశీంద్రన్ దర్శకత్వంలో తెరకెక్కుతున్న ఈ చిత్రాన్ని ఎస్. మదన్ నిర్మిస్తున్నారు. డి. ఇమాన్ సంగీతం అందిస్తున్నాడు.

ఇటీవలే తమిళంలో ఈ చిత్ర ట్రైలర్ ను విడుదల చేసారు. ఈ ట్రైలర్ కు భారీ రెస్పాన్స్ వస్తుంది. పవర్ ఫుల్ పోలీస్ ఆఫీసర్ పాత్రలో విశాల్ నటిస్తున్నాడు. లవ్, మాస్, యాక్షన్ ఎంటర్ టైనర్ గా రూపొందతున్న ఈ చిత్రంపై భారీ అంచనాలే నెలకొన్నాయి.

డి. ఇమాన్ సంగీతం అందించిన ఈ చిత్ర తెలుగు ఆడియోను ఈనెల 22న విడుదల చేయనున్నారు. అలాగే ఈ చిత్రాన్ని తెలుగు, తమిళం భాషలలో సెప్టెంబర్ 4వ తేదిన విడుదల చేయనున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.