ఇప్పుడు బాహుబలి టార్గెట్ 400కోట్లు.. ఇక ఆగేది లేనట్లే!

Posted: 07/21/2015 11:31 AM IST

ఎస్.ఎస్.రాజమౌళి దర్శకత్వంలో యంగ్ రెబల్ స్టార్ ప్రభాస్ హీరోగా రానా, తమన్నా, అనుష్క, రమ్యకృష్ణ, సత్యరాజ్, ప్రభాకర్ ప్రధాన పాత్రలలో నటించిన తాజా చిత్రం ‘బాహుబలి’. సినిమా మొదలైనపుడే ఎన్నో అంచనాలు నెలకొన్నాయి. ఈ చిత్ర ట్రైలర్ విడుదలయ్యాక ఆ అంచనాలు తారాస్థాయికి చేరుకున్నాయి. భారీ అంచనాలతో విడుదలైన ఈ చిత్రాన్ని ప్రపంచ వ్యాప్తంగా జులై 10వ తేదిన తెలుగు, తమిళం, హిందీ, మలయాళం భాషలలో గ్రాండ్ గా విడుదల చేసారు.

ఎవ్వరూ ఊహించని రీతిలో అతితక్కువ రోజుల్లోనే ‘బాహుబలి’ చిత్రం 300కోట్లు కొల్లగొట్టి, భారీ విజయం సాధించింది. బాక్సాఫీస్ రికార్డులను షేక్ చేస్తుంది. ప్రస్తుతం ‘బాహుబలి’ చిత్రం 300కోట్లను కొల్లగొట్టి, 335 కోట్ల గ్రాస్ ను వసూలు చేసింది. ఈ సినిమా మరికొద్ది రోజుల్లోనే 400 కోట్లు కూడా వసూలు చేయడంలో ఎలాంటి అనుమానం లేదని చెప్పుకోవచ్చు.

ఇప్పటికే విడుదలైన అన్ని ప్రాంతాల్లో భారీ కలెక్షన్లతో, హౌస్ ఫుల్ షోలతో నడుస్తోంది. ఈ భారీ బడ్జెట్ చిత్రాన్ని ఆర్కా మీడియా సంస్థ ప్రతిష్టాత్మకంగా నిర్మించింది. కీరవాణి సంగీతం, సెంథిల్ కుమార్ సినిమాటోగ్రఫిని అందించారు.