షారుక్ ఖాన్ రాఈస్ ఫస్ట్ లుక్ టీజర్ విడుదల

Posted: 07/17/2015 10:37 AM IST

హిందీలో స్టార్ హీరో, బాలీవుడ్ బాద్ షా షారుక్ ఖాన్ ప్రధాన పాత్రలో నటిస్తున్న తాజా చిత్రం ‘రాఈస్’. రెడ్ చిల్లీస్ ఎంటర్ టైన్మెంట్ మరియు ఎక్సెల్ ఎంటర్ టైన్మెంట్ బ్యానర్లపై రితేష్ సిద్వానీ, గౌరీ ఖాన్, ఫర్హాన్ అక్తర్ సంయుక్తంగా నిర్మిస్తున్న ఈ చిత్రానికి రాహుల్ దోల్కియా దర్శకత్వం వహిస్తున్నాడు.

తాజాగా ఈ చిత్రానికి సంబంధించిన ఫస్ట్ లుక్ పోస్టర్లు మరియు టీజర్ ను విడుదల చేసారు. ఇందులో షారుక్ చాలా సైలెంట్, పవర్ ఫుల్ పాత్రలో కనిపిస్తున్నాడు. భారీ అంచనాలతో తెరకెక్కుతున్న ఈ చిత్రాన్ని వచ్చే ఏడాది వేసవి సెలవుల్లో విడుదల చేయనున్నారు.

అలాగే షారుక్ ప్రస్తుతం ‘దిల్ వాలే’ మరియు ‘ఫ్యాన్’ చిత్రాలతో బిజీగా వున్నాడు. ఇటీవలే విడుదలైన ‘ఫ్యాన్’ టీజర్ కు భారీ స్పందన వచ్చింది. ఈ ఏడాది ‘దిల్ వాలే’ సినిమా విడుదల కానుంది. వచ్చే ఏడాది ‘ఫ్యాన్’ సినిమా విడుదల కానుంది. త్వరలోనే అన్ని వివరాలు చిత్ర యూనిట్ అధికారికంగా ప్రకటించనున్నారు.