వినాయక చవితికి విజయ్ పులి భారీ విడుదల

Posted: 07/02/2015 10:16 AM IST

Vijay puli movie release on vinayaka chaturthi

శింబుదేవన్ దర్శకత్వంలో తమిళ స్టార్ హీరో విజయ్ నటిస్తున్న తాజా చిత్రం ‘పులి’. ఎస్.కె.టి స్టూడియోస్ పతాకంపై పి.టి.సెల్వకుమార్ నిర్మిస్తున్న ఈ భారీ బడ్జెట్ చిత్రాన్ని తెలుగు, తమిళ, హిందీ భాషలలో ఏకకాలంలో రూపొందిస్తున్నారు. ఈ చిత్రానికి దేవిశ్రీప్రసాద్ సంగీతం అందిస్తున్నాడు.

ఇటీవలే విజయ్ పుట్టినరోజు సంధర్భంగా విడుదలైన ఈ చిత్ర ఫస్ట్ లుక్ టీజర్ కు భారీ రెస్పాన్స్ వచ్చింది. ఇందులో విజయ్ సరసన శృతిహాసన్, హన్సిక హీరోయిన్లుగా నటిస్తున్నారు. బాలీవుడ్ నటి శ్రీదేవి కపూర్, కన్నడ స్టార్ హీరో సుదీప్ ప్రధాన పాత్రలలో నటిస్తున్నారు.

ఇప్పటికే ఈ చిత్ర షూటింగ్ చివరి దశకు చేరుకుంది. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. సోషియో ఫాంటసీ తరహాలో భారీ విజువల్ ఎఫెక్ట్స్ ప్రధానంగా రూపొందుతున్న ఈ చిత్ర ఆడియోను ఆగష్టు 2న విడుదల చేయనున్నారు. అలాగే ఈ చిత్రాన్ని వినాయక చవితి సంధర్భంగా సెప్టెంబర్ 17న గ్రాండ్ గా తెలుగు, తమిళ, హిందీ భాషలలో విడుదల చేయనున్నారు.