సన్నీ మొహల్లా అస్సీ విడుదలపై కోర్టు స్టే

Posted: 07/01/2015 10:00 AM IST

బాలీవుడ్ నటుడు సన్నీడియోల్ ప్రధాన పాత్రలో నటించిన ‘మొహల్లా అస్సీ’ చిత్రంపై కోర్టు స్టే విధించింది. ఈ చిత్రంలో కొన్ని అభ్యంతకరక సన్నివేశాలున్నాయంటూ సామాజిక స్వచ్ఛంద సంస్థ సర్వజన్ జాగృతి సంతష్ట ఇటీవలే ఈ సినిమాపై పిటీషన్ వేసిన విషయం తెలిసిందే. అయితే ఈ విషయంపై కోర్టు స్టే విధిస్తూ ఉత్తర్వులు జారీ చేసింది.

చంద్ర ప్రకాశ్ దర్శకత్వంలో సన్నీడియోల్, సాక్షి తన్వర్ ప్రధాన పాత్రలలో నటిస్తున్న ఈ చిత్రంలో కొన్ని అభ్యంతరకరమైన సన్నివేశాలున్నాయని ఢిల్లీకి చెందిన గుల్షన్ కుమార్ కోర్టులో పిటిషన్ వేసారు. ఆయన పిటీషన్ పై విచారణ చేపట్టిన కోర్టు మంగళవారం ఆ చిత్ర విడుదలను తాత్కలికంగా నిలిపివేయాలని ఉత్తర్వులు జారీ చేసింది.

ఈ చిత్ర ట్రైలర్ ను చూసిన అనంతరం కోర్టు ఈ తీర్పును తెలియజేసింది. ఇందులో ఒక మతాన్ని కించపరుస్తూ కొన్ని సన్నివేశాలున్నాయని, ఆ సన్నివేశాలు తొలగించేవరకు విడుదలను నిలిపివేయాలని కోర్టు పేర్కొంది. మరి చిత్ర దర్శకనిర్మాతలు ఎలాంటి నిర్ణయం తీసుకోనున్నారో చూడాలి.