సమంత, తమన్నాలపై పందెంకోడి కామెంట్లు

Posted: 06/27/2015 01:10 PM IST

Vishal clarifies on tamannah in pandem kodi sequel

తమిళ స్టార్ హీరో విశాల్ నటించిన ‘పందెంకోడి’ చిత్రం తెలుగు, తమిళం భాషలలో ఎంతటి ఘనవిజయం సాధించిందో అందరికి తెలిసిందే. విశాల్ కు కమర్షియల్ హిట్ ను అందించింది. ఈ సినిమాతో విశాల్ మాస్ హీరోగా మంచి గుర్తింపును దక్కించుకున్నాడు. అయితే ప్రస్తుతం ఈ చిత్రానికి సీక్వెల్ తెరకెక్కబోతుంది.

‘పందెంకోడి’ చిత్రాన్ని తెరకెక్కించిన లింగుస్వామి దర్శకత్వంలోనే ఈ సీక్వెల్ తెరకెక్కనుంది. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. అయితే ఈ సినిమాలో సమంతా హీరోయిన్ గా నటించబోతుందని గతకొద్ది రోజులుగా వార్తలొచ్చాయి. కానీ ఈ మధ్య తమన్నాను హీరోయిన్ గా ఖరారు చేసారంటూ వార్తలొస్తున్నాయి.

అయితే ఈ వార్తలపై విశాల్ తాజాగా స్పందించారు. ఈ సినిమా కోసం సమంతను గానీ, తమన్నాను గానీ తాము అసలే సంప్రదించలేదని, ప్రస్తుతం స్ర్కిప్టు పనులు నడుస్తున్నాయని విశాల్ తన సోషల్ మీడియా అకౌంట్ ద్వారా తెలియజేసాడు. మరి ఈ సినిమా వివరాలను విశాల్ త్వరలోనే అధికారికంగా ప్రకటించనున్నారు.