ప్రవీణ్ సత్తారు గుంటూర్ టాకీస్ ఫస్ట్ లుక్

Posted: 06/08/2015 01:32 PM IST

‘చందమామ కథలు’ చిత్రంతో విమర్శకుల ప్రశంసలు అందుకుని, దర్శకుడిగా మంచి పేరును సంపాదించుకుని, జాతీయ అవార్డును సొంతం చేసుకున్న దర్శకుడు ప్రవీణ్ సత్తారు. ఈ చిత్రం తర్వాత ప్రవీణ్ సత్తారు తెరకెక్కిస్తున్న తాజా చిత్రం ‘గుంటూరు టాకీస్’. ఆర్‌కె స్టూడియో ఆధ్వర్యంలో ఈ సినిమాను రాజ్‌కుమార్ నిర్మిస్తున్నారు.

ఇందులో సిద్ధూ, నరేష్, శ్రధ్దాదాస్, రశ్మీ ప్రధాన పాత్రలలో నటిస్తున్నారు. ఈ చిత్ర ఫస్ట్ లుక్ పోస్టర్ ను ఇటీవలే విడుదల చేసారు. విభిన్నమైన కామెడీ ఎంటర్ టైనర్ గా రూపొందుతున్న ఈ చిత్రం ద్వారా ఎలాంటి మెసేజ్ ఇవ్వకుండా తెరకెక్కిస్తున్నారు. అనంతపురం జిల్లాలోని పలు అందమైన లొకేషన్లలో ఈ చిత్ర షూటింగ్ జరుపుతున్నారు.

ఈ చిత్రం ద్వారా దాదాపు 200 మంది స్థానికి కళాకారులకు అవకాశం కల్పించినట్లుగా చిత్ర యూనిట్ తెలిపారు. ప్రస్తుతం ఈ చిత్ర షూటింగ్ శరవేగంగా జరుగుతోంది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు. త్వరలోనే చిత్ర యూనిట్ అన్ని వివరాలు అధికారికంగా ప్రకటించనున్నారు.