అభిమానుల కోసం పాట పాడిన విజయ్ పులి

Posted: 06/05/2015 12:49 PM IST

Actor vijay sing a song for fans in puli film

తమిళ స్టార్ హీరో విజయ్ నటిస్తున్న ప్రతిష్టాత్మక చిత్రం ‘పులి’. భారీ బడ్జెట్ తో రూపొందుతున్న ఈ చిత్రానికి దేవిశ్రీప్రసాద్ సంగీతం అందిస్తున్నారు. ఈ చిత్రంలో విజయ్ ఓ పాటను పాడారు. విజయ్ పాట పాడటం ఇదేమి కొత్త కాదు. గతంలో తాను నటించిన ‘తుపాకీ’ సినిమాలో ‘గూగుల్...’ మరియు ‘కత్తి’ సినిమాలో ‘సెల్ఫీ పుల్లా..’ పాటలను పాడాడు విజయ్. ఆ రెండు పాటలు కూడా సూపర్ హిట్టయ్యాయి.

దీంతో ‘పులి’ సినిమాలో కూడా విజయ్ ఓ పాట పాడలంటూ అభిమానులు విజ్ఞప్తి చేసారు. దీంతో ఈ సినిమాలోని ఓ పాటను విజయ్ పాడారు. ఇటీవలే ఈ పాటను రికార్డ్ చేసారు. అభిమానుల విజ్ఞప్తి చేయడంతో ‘పులి’ సినిమాలో ఓ పాట పాడక తప్పలేదని చిత్ర యూనిట్ వెల్లడించారు.

చింబు దేవన్ దర్శకత్వంలో రూపొందుతున్న ఈ చిత్రాన్ని శిబు థామీన్స్, పిటీ సెల్వాకుమార్ సంయుక్తంగా భారీ బడ్జెట్ తో నిర్మిస్తున్నారు. విజయ్ సరసన శృతిహాసన్ హీరోయిన్ గా నటిస్తుంది. అలాగే శ్రీదేవి కపూర్, హన్సిక, సుదీప్, నందిత శ్వేత తదితరులు కీలక పాత్రలలో నటిస్తున్నారు. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.

Video Source: KingStar Vithu