ఐనా ఇష్టం నువ్వు టైటిల్ లోగో విడుదల

Posted: 05/20/2015 03:45 PM IST

సీనియర్ నటుడు నరేష్ తనయుడు నవీన్ విజయ్ కృష్ణ హీరోగా ఓ చిత్రం తెరకెక్కుతోంది. ఈ చిత్ర షూటింగ్ ఇప్పటికే పూర్తి చేసుకుంది. ఫ్రెండ్లీ మూవీస్ పతాకంపై చంటి అడ్డాల నిర్మిస్తున్న ఈ చిత్రం ద్వారా ప్రముఖ దర్శకుడు కృష్ణవంశీ దగ్గర అసిస్టెంట్ గా పనిచేసిన రాంప్రసాద్ దర్శకుడిగా పరిచయమవుతున్నాడు.

ఈ చిత్రానికి ‘ఐనా ఇష్టం నువ్వు’ అనే టైటిల్ ను ఖరారు చేసారు. ఈ టైటిల్ లోగో, టీజర్ ను తాజాగా సూపర్ స్టార్ కృష్ణ, విజయ నిర్మలలు విడుదల చేసారు. ఈ సంధర్భంగా కృష్ణ మాట్లాడుతూ.... తమ ఫ్యామిలీ నుండి వస్తున్న నవీన్ విజయ్ కృష్ణను కూడా అభిమానులు ఆదరించాలని, నిర్మాతకు పదిరెట్లు ఆదాయం రావాలని కోరుకుంటున్నట్లుగా చెప్పుకొచ్చారు.

విజయనిర్మల మాట్లాడుతూ.... పాటలు బాగా వచ్చాయి. కథ చాలా బాగుంది. ఈ సినిమా పెద్ద సక్సెస్ కావాలని కోరుకుంటున్నానని చెప్పుకొచ్చారు. నరేష్ మాట్లాడుతూ... ఒక మంచి ఫ్యామిలీ ఎంటర్ టైన్మెంట్ స్టోరీతో ఈ సినిమాను తెరకెక్కిస్తున్నారు. అచ్చు సంగీతం అందించిన పాటలు త్వరలోనే విడుదల చేయనున్నారు. మమ్మల్ని ఆదరిస్తున్న అభిమానులకు కృతజ్ఞతలు అని చెప్పుకొచ్చారు.

దర్శకుడు రాంప్రసాద్ మాట్లాడుతూ.... చాలా టైటిల్స్ అనుకున్నప్పటికీ.. కథకు సరిపడే టైటిల్ కోసం ఎదురుచూసాం. చివరకు కృష్ణవంశీ గారి సినిమాలోని ఓ పాటను టైటిల్ గా పెట్టాం. ఇందుకోసం ఆయన అనుమతి కూడా తీసుకున్నామని అన్నారు. అచ్చు సంగీతం అందించిన ఈ చిత్రంలో నాగబాబు, పోసాని కృష్ణమురళి, సప్తగిరి తదితరులు నటించారు.

Video Source: idlebrainlive