మంచు మనోజ్ కు కొత్త సినిమా వారి శుభాకాంక్షలు

Posted: 05/20/2015 12:03 PM IST

రాకింగ్ స్టార్ మంచు మనోజ్ హీరోగా దశరథ్ దర్శకత్వంలో ఓ చిత్రం తెరకెక్కనున్న విషయం తెలిసిందే. ‘సూర్య వర్సెస్ సూర్య’ తర్వాత సురక్ష ఎంటర్ టైన్మెంట్స్ ఇండియా ప్రై.లి బ్యానర్లో నిర్మాత శివకుమార్ ఈ చిత్రాన్ని నిర్మించనున్నారు.

అయితే నేడు మంచు మనోజ్ పుట్టినరోజు మరియు పెళ్లి సంధర్భంగా ఈ చిత్ర యూనిట్ మనోజ్ కు శుభాకాంక్షలు తెలియజేస్తూ ఓ పోస్టర్ ను విడుదల చేసారు. ‘మిస్టర్ పర్ఫెక్ట్ ’ వంటి ఫ్యామిలీ ఎంటర్ టైన్మెంట్ చిత్రం తరహాలోనే ఈ చిత్రం రూపొందనుందని తెలిసింది.

ఈ చిత్ర షూటింగ్ జూన్ నెల చివర్లో ప్రారంభం కానుంది. ప్రస్తుతం ప్రీ ప్రొడక్షన్ పనులు శరవేగంగా జరుగుతున్నాయి. ఇతర నటీనటులు, సాంకేతిక నిపుణుల వివరాలు త్వరలోనే అధికారికంగా ప్రకటించనున్నారు.