వచ్చే నెలలో ప్రభాస్ కొత్త చిత్రం ప్రారంభం

Posted: 05/16/2015 09:56 AM IST

యంగ్ రెబల్ స్టార్ ప్రభాస్ హీరోగా ‘రన్ రాజా రన్’ ఫేం సుజిత్ దర్శకత్వంలో ఓ చిత్రం తెరకెక్కనున్న విషయం తెలిసిందే. ప్రభాస్ తో ‘మిర్చి’ వంటి బ్లాక్ బస్టర్ హిట్ చిత్రాన్ని తెరకెక్కించిన UV క్రియేషన్స్ నిర్మాతలు వంశీ, ప్రమోద్ లు ఈ చిత్రాన్ని నిర్మించనున్నారు.

‘మిర్చి’ తర్వాత సుజిత్ దర్శకత్వంలో ‘రన్ రాజా రన్’ చిత్రం నిర్మించారు. ఈ సినిమా సూపర్ హిట్ అయ్యింది. దర్శకుడిగా సుజిత్ మంచి పేరును సొంతం చేసుకున్నాడు. ఇటీవలే ప్రభాస్ కు ఓ కథ వినిపించి, గ్రీన్ సిగ్నల్ దక్కించుకున్నాడు. తాజా సమాచారం ప్రకారం ఈ ప్రాజెక్టు వచ్చే నెల సెట్స్ పైకి వెళ్లనుందని తెలిసింది.

ఈ సినిమా ద్వారా ప్రభాస్ సరసన కొత్త హీరోయిన్ తెలుగు ఇండస్ట్రీకి పరిచయం కానుంది. UV క్రియేషన్స్ బ్యానర్లో ‘మిర్చి’, ‘రన్ రాజా రన్’, ‘జిల్’ వంటి వరుస మూడు హ్యట్రిక్ బ్లాక్ బస్టర్ హిట్ చిత్రాల తర్వాత రూపొందనున్న ఈ చిత్రంపై భారీ అంచనాలే ఏర్పడ్డాయి.

ప్రస్తుతం ప్రభాస్ నటించిన ‘బాహుబలి- ది బిగెనింగ్’ చిత్రం జులై 10న ప్రపంచ వ్యాప్తంగా విడుదల కానుంది. ప్రభాస్, సుజిత్ ప్రాజెక్టు వచ్చే నెలలో సెట్స్ పైకి వెళ్లనుంది. ఈ చిత్రానికి సంబంధించిన అన్ని వివరాలు త్వరలోనే అధికారికంగా ప్రకటించనున్నారు.